മാഹി: പൂഴിത്തലയിലെ മാഹി ബീച്ച് ട്രേഡിങ് പെട്രോൾ പമ്പിലെ ബിഹാർ സ്വദേശികളായ രണ്ട് ജീവനക്കാരെ മർദിച്ചതായി പരാതി . ശനിയാഴ്ച വൈകീട്ട് മൂന്നോടെ ഫില്ലർമാരായ കൃഷ്ണൻ (27), സന്തോഷ് (22) എന്നിവരെയാണ് ഒരുസംഘം മർദിച്ചത്. സ്കൂട്ടറിൽ എത്തിയ രണ്ട് യുവാക്കൾ നോ പാർക്കിങ് ഏരിയയിൽ വാഹനം നിർത്തിയിട്ടിരുന്നു. ജീവനക്കാർ ഇൗ സ്കൂട്ടർ മാറ്റിയിട്ടതിനെ തുടർന്ന് വാക്തർക്കം ഉണ്ടാകുകയും നാലംഗ സംഘംകൂടി എത്തി ഇവരെ മർദിക്കുകയായിരുന്നു. പരിക്കേറ്റ ജീവനക്കാരെ മാഹി ഗവ. ജനറൽ ആശുപത്രിയിൽ പ്രവേശിപ്പിച്ചു. പമ്പ് മാനേജർ മാഹി പൊലീസിൽ പരാതി നൽകി. സംഭവത്തിൽ മാഹി ഫ്യുയൽ എംപ്ലോയീസ് യൂനിയൻ പ്രതിഷേധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.