പെരിങ്ങോം: മാത്തില് ഗവ. ഹയര്സെക്കൻഡറി സ്കൂള് 1994-95 എസ്.എസ്.എല്.സി ബാച്ചിലെ വിദ്യാര്ഥികളുടെ പുനഃസമാഗമം സംഘട ിപ്പിച്ചു. സമന്വയമെന്ന പേരില് സംഘടിപ്പിച്ച പരിപാടിയില് നൂറോളം പൂര്വവിദ്യാര്ഥികളും അക്കാലത്തെ അധ്യാപകവൃത്തിയിലുണ്ടായിരുന്നവരും പങ്കെടുത്തു. 1994-95 ബാച്ച് വിദ്യാര്ഥികള് സ്കൂളിന് സമ്മാനിക്കുന്ന വോളിബാള് കോര്ട്ടിെൻറ ഉദ്ഘാടനത്തിന് മുന്നോടിയായാണ് സംഗമം. ഹെഡ്മാസ്റ്റര് ഭരതന് ഉദ്ഘാടനം ചെയ്തു. സംഘാടകസമിതി ചെയര്പേഴ്സൻ പി. സരിത അധ്യക്ഷത വഹിച്ചു. സി. ദിവാകരന്, കെ.എ. ബിജു എന്നിവരും സംസാരിച്ചു. അധ്യാപകരെ ആദരിക്കല്, കലാപരിപാടികള്, പരിചയം പുതുക്കല് എന്നിവയും നടന്നു. പൂര്വവിദ്യാര്ഥി കൂട്ടായ്മ നിർമിച്ചുനല്കുന്ന വോളിബാള് കോര്ട്ട് ചൊവ്വാഴ്ച ഉച്ചക്ക് 2.30ന് മന്ത്രി ഇ.പി. ജയരാജന് ഉദ്ഘാടനം ചെയ്യും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.