ശ്രീകണ്ഠപുരം: ലക്ഷങ്ങൾ മുടക്കിയ ജപ്പാൻ കുടിവെള്ള പദ്ധതിയുടെ പൈപ്പ് പലയിടങ്ങളിലും പൊട്ടി. വൻ തുക നൽകി കുടിവെള്ള കണക്ഷനെടുത്തവർ ഇതോടെ കുടിവെള്ളം ലഭിക്കാതെ പ്രയാസപ്പെടുന്നു. ഗുണനിലവാരമില്ലാത്ത പൈപ്പുകൾ സ്ഥാപിച്ച് അശാസ്ത്രീയമായി പണി നടത്തിയതിനാലാണ് പലയിടത്തും പൈപ്പുകൾ പൊട്ടുന്നതെന്ന ആക്ഷേപവും ശക്തമാണ്. കുറുമാത്തൂർ ചൊറുക്കള റോഡിൽ പൈപ്പ് പൊട്ടി മാസങ്ങളായി വെള്ളം ഒഴുകുന്നുണ്ട്. പലതവണ അധികൃതരെ വിവരമറിയിച്ചിട്ടും തിരിഞ്ഞുനോക്കിയില്ലെന്ന് ഉപഭോക്താക്കൾ പറയുന്നു. വെള്ളം റോഡിലെ മാലിന്യങ്ങളുമായി ചേർന്ന് തിരികെ വീണ്ടും പൈപ്പിലേക്ക് കയറി വീടുകളിലെത്തിയതോടെ കുട്ടികൾക്കും മറ്റും ആരോഗ്യപ്രശ്നങ്ങളുമുണ്ടായിട്ടുണ്ട്. വേനലിനു മുമ്പേ ഇത്തവണ കുടിനീർക്ഷാമം പലയിടത്തും തുടങ്ങിയതിനാൽ അധികൃതരുടെ അനാസ്ഥക്കെതിരെ പ്രതിഷേധമുയരുന്നുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.