ഇരിട്ടി: ഉഗ്രശേഷിയുള്ള ബോംബും ബോംബ് നിർമാണസാമഗ്രികളും കണ്ടെത്തി. ഇരിട്ടി കീഴൂർ പടിയിൽ താഴെ വള്ള്യാട് അംഗൻവാടിക്ക് സമീപത്തുനിന്നാണ് കണ്ണൂരിൽനിന്ന് എത്തിയ ബോംബ് സ്ക്വാഡും ഇരിട്ടി െപാലീസും നടത്തിയ പരിശോധനയിൽ ഇവ പിടികൂടിയത്. ഇതിനുമുമ്പും ഇതേ സ്ഥലത്തുനിന്ന് ബോംബ് കണ്ടെത്തിയിരുന്നു. കഴിഞ്ഞദിവസം വള്ള്യാട് അംഗൻവാടി കെട്ടിടത്തിന് മുകളിൽ പടക്കത്തിെൻറ അവശിഷ്ടം കണ്ടെത്തിയിരുന്നു. ജീവനക്കാർ െപാലീസിനെ വിവരമറിയിക്കുകയും െപാലീസ് അവശിഷ്ടം പരിശോധിക്കുകയും ചെയ്തിരുന്നു. അതിെൻറ അടിസ്ഥാനത്തിലാണ് വെള്ളിയാഴ്ച രാവിലെ കണ്ണൂരിൽനിന്ന് എത്തിയ ബോംബ് സ്ക്വാഡും ഡോഗ് സ്ക്വാഡും ഇരിട്ടി െപാലീസും ചേർന്ന് പരിശോധന നടത്തിയത്. ബോംബ് സ്ക്വാഡ്് എസ്.ഐ ശശിധരൻ, ഇരിട്ടി സി.ഐ രാജീവൻ വലിയവളപ്പിൽ, എസ്.ഐ സജയ്കുമാർ എന്നിവരുടെ നേതൃത്വത്തിലായിരുന്നു പരിശോധന. കഴിഞ്ഞദിവസം തില്ലങ്കേരി മേഖലയിലെ കാർക്കോട്, ചാളപ്പറമ്പ് എന്നിവിടങ്ങളിൽനിന്ന് ഉഗ്രശേഷിയുള്ള സ്റ്റീൽ ബോംബുകളും ഐസ്ക്രീം ബോംബുകളും പിടികൂടിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.