ചെറുപുഴ: മദ്യപിച്ചെത്തിയ സൈനികരായ സഹോദരങ്ങളും പിതാവും ചേർന്ന് പെരിങ്ങോം എസ്.ഐയെയും പൊലീസുകാരെയും അടിച്ചുപരിക്കേൽപിച്ചു. ഞായറാഴ്ച ഉച്ച 12ഒാടെ പെരിങ്ങോം സ്റ്റേഷനിൽ അതിക്രമിച്ച് കയറിയായിരുന്നു അക്രമം. പരിക്കേറ്റ എസ്.ഐ മഹേഷ് കെ. നായർ, എ.എസ്.ഐ മനോജ്, സിവിൽ പൊലീസ് ഓഫിസർ രജീഷ് എന്നിവർ പയ്യന്നൂർ താലൂക്കാശുപത്രിയിൽ ചികിത്സ തേടി. കണ്ണാടിപ്പൊയിൽ സ്വദേശി വി.സി. ജെയിംസ് (47), മക്കളായ ജിജോ (25), ജിേൻറാ (21) എന്നിവരാണ് അക്രമം നടത്തിയത്. ജിജോ ജമ്മുവിലും ജിേൻറാ അരുണാചൽ പ്രദേശിലും സൈനികരായി ജോലി ചെയ്യുന്നവരാണെന്ന് പൊലീസ് പറഞ്ഞു. കഴിഞ്ഞദിവസം രാത്രി ഇവർ പെരിങ്ങോം സ്റ്റേഷനിൽ വിളിച്ച് പൊലീസുകാരെ അസഭ്യം പറഞ്ഞിരുന്നു. ഇതേക്കുറിച്ചന്വേഷിക്കാൻ ഞായറാഴ്ച സ്റ്റേഷനിൽ ഹാജരാവാൻ ആവശ്യപ്പെട്ടതിനെ തുടർന്നാണ് ഇവർ സ്റ്റേഷനിലെത്തിയത്. മദ്യലഹരിയിൽ സ്റ്റേഷനിലെത്തിയ ഇവർ പ്രകോപനമില്ലാതെ പൊലീസുകാരെ ആക്രമിക്കുകയായിരുന്നു. ഏറെ പണിപ്പെട്ടാണ് പൊലീസുകാർക്ക് ഇവരെ കീഴ്പ്പെടുത്താനായത്. പ്രതികളെ ഇന്ന് കോടതിയിൽ ഹാജരാക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.