മംഗളൂരു: കർണാടകയിൽ ഒഴിവുവരുന്ന നാല് രാജ്യസഭ സ്ഥാനങ്ങളിലേക്ക് മൂന്ന് സ്ഥാനാർഥികളെ കോൺഗ്രസ് പ്രഖ്യാപിച്ചു. ദലിത്, മുസ്ലിം, വൊക്കാലിഗ സമുദായ പരിഗണന നൽകിയാണ് പ്രഖ്യാപനം. കെ.പി.സി.സി ഉപാധ്യക്ഷനും കവിയും ദലിത് നേതാവുമായ മുൻ എം.എൽ.സി എൽ. ഹനുമന്തയ്യ, എ.ഐ.സി.സി വക്താവും പാർട്ടിയുടെ മുസ്ലിം മുഖവുമായ നസീർ ഹുസൈൻ, കെ.പി.സി.സി ജനറൽ സെക്രട്ടറിയും വൊക്കാലിഗ നേതാവുമായ ജി.സി. ചന്ദ്രശേഖർ എന്നിവരാണ് കോൺഗ്രസ് സ്ഥാനാർഥികൾ. രണ്ട് രാജ്യസഭ അംഗങ്ങളെ നിഷ്പ്രയാസം തെരഞ്ഞെടുക്കാനുള്ള നിയമസഭ സാമാജികർ കോൺഗ്രസിനുണ്ട്. മിച്ചം വോട്ടുകളും പുറത്തുനിന്നുള്ള സഹായവും ചേർന്നാൽ മൂന്നുപേരെ രാജ്യസഭയിലെത്തിക്കാം. ഈ മാസം 23നാണ് തെരഞ്ഞെടുപ്പ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.