കാഞ്ഞങ്ങാട്: നിർമാണ തൊഴിലാളി ക്ഷേമനിധി ഇന്ത്യയിലാകമാനം നടപ്പില് വരുത്തുന്നതിനാവശ്യമായ നിയമം കൊണ്ടുവരണമെന്നും ക്ഷേമനിധിയിലേക്കുള്ള സെസ് അടിയന്തരമായി പിരിച്ചെടുക്കണമെന്നും നിര്മാണ തൊഴിലാളി യൂനിയന് (സി.ഐ.ടി.യു) കാഞ്ഞങ്ങാട് സമ്മേളനം ആവശ്യപ്പെട്ടു. സെപ്റ്റംബര് അഞ്ചിന് നടക്കുന്ന പാര്ലമെൻറ് മാര്ച്ച് വിജയിപ്പിക്കുന്നതിന് സമ്മേളനം തീരുമാനിച്ചു. ജില്ല ജോ.സെക്രട്ടറി പി. കൃഷ്ണന് ഉദ്ഘാടനം ചെയ്തു. പി. യേശുദാസ് അധ്യക്ഷത വഹിച്ചു. എം. ബാലകൃഷ്ണന്, സി.വി. കൃഷ്ണന്, ബല്ല ബാബു, എം. ശോഭന എന്നിവര് സംസാരിച്ചു. എസ്.എസ്.എല്.സി, പ്ലസ്ടു വിജയികള്ക്കുള്ള അനുമോദന ചടങ്ങും നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.