കാസര്കോട്: ഒന്നരവയസ്സുള്ള പെൺകുട്ടിയുടെ മൃതദേഹം കിണറ്റിൽ കണ്ടെത്തിയ സംഭവം കൊലപാതകമാണെന്ന് തെളിഞ്ഞു. സംഭവത്തിൽ കുട്ടിയുടെ മാതാവിനെ പൊലീസ് അറസ്റ്റ് ചെയ്തു. എരിയാൽ ബള്ളീറിലെ നസീമയാണ് (40) അറസ്റ്റിലായത്. ജൂലൈ 18ന് ഉച്ചക്കാണ് നസീമയുടെ മകള് ആയിഷത്ത് ഷംനാസിനെ എരിയാല് ബള്ളീറിലെ ആള്മറയില്ലാത്ത കിണറ്റില് മരിച്ചനിലയില് കണ്ടെത്തിയത്. തനിക്കൊപ്പം നടന്നുപോകുന്നതിനിടെ കുട്ടി കാല്വഴുതി കിണറ്റില് വീണെന്നാണ് നസീമ പൊലീസിനോട് പറഞ്ഞത്. വീട്ടിൽനിന്ന് 100 മീറ്റർ അകലെയാണ് കിണർ. സംശയത്തെ തുടർന്ന് കഴിഞ്ഞദിവസം വീണ്ടും ചോദ്യംചെയ്തപ്പോഴാണ് സംഭവം കൊലപാതകമാണെന്ന് തെളിഞ്ഞത്. ഒന്നരവയസ്സായിട്ടും കുട്ടി നടക്കാത്തതിനാലാണ് കിണറ്റിലെറിഞ്ഞതെന്ന് നസീമ മൊഴിനല്കിയിട്ടുണ്ട്. കോടതിയിൽ ഹാജരാക്കിയ നസീമയെ 14 ദിവസത്തേക്ക് റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.