കണ്ണൂർ: പി.എഫ്.ആർ.ഡി.എ നിയമം റദ്ദ്ചെയ്യുക, സ്റ്റാറ്റ്യൂട്ടറി പെൻഷൻ നിലനിർത്തുക, 2019 ജൂൈല ഒന്നിന് പ്രാബല്യത്തിൽ പെൻഷൻ പരിഷ്കരിക്കുന്നതിനുള്ള നടപടി സ്വീകരിക്കുക, പെൻഷൻകാർക്കായി പ്രത്യേക ചികിത്സ പദ്ധതി നടപ്പാക്കുക, കുടിശ്ശിക ക്ഷാമാശ്വാസം ഉടൻ അനുവദിക്കുക, പ്രായമേറിയ പെൻഷൻകാർക്ക് അധിക പെൻഷൻ നൽകുക, ഒരുമാസത്തെ തുല്യമായ തുക ഉത്സവ ബത്തയായി അനുവദിക്കുക തുടങ്ങിയ ആവശ്യങ്ങളുന്നയിച്ച് കേരള സ്റ്റേറ്റ് സർവിസ് പെൻഷനേഴ്സ് യൂനിയൻ ജില്ല കമ്മിറ്റി കലക്ടറേറ്റിലേക്ക് മാർച്ച് നടത്തി. കെ.കെ. രാഗേഷ് എം.പി ഉദ്ഘാടനംചെയ്തു. ജില്ല പ്രസിഡൻറ് വി.പി. കൃഷ്ണപൊതുവാൾ അധ്യക്ഷതവഹിച്ചു. സംസ്ഥാന രക്ഷാധികാരി സി.പി. നാരായണൻ നമ്പ്യാർ, സംസ്ഥാന സെക്രട്ടറി പി.വി. പത്മനാഭൻ, കെ. കൃഷ്ണൻ, കെ. കരുണാകരൻ എന്നിവർ സംസാരിച്ചു. ജില്ല സെക്രട്ടറി പി. പ്രഭാകരൻ സ്വാഗതവും ട്രഷറർ എൻ.പി. പ്രേമരാജൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.