കണ്ണൂർ: കണ്ണൂർ ഗവ. സ്പോർട്സ് സ്കൂളിൽ ഫിസിക്സ്, കെമിസ്ട്രി വിഷയങ്ങൾ കൈകാര്യം ചെയ്യുന്ന അധ്യാപിക സ്ഥലംമാറ്റ ഉത്തരവ് കൈപ്പറ്റി അവധിയിൽ പ്രവേശിച്ചതിൽ പ്രതിഷേധിച്ച് വിദ്യാർഥികളും രക്ഷിതാക്കളും പ്രധാനാധ്യാപകനെ ഉപരോധിച്ചു. പ്രധാനാധ്യാപകെൻറ ഒാഫിസിന് മുന്നിൽ എട്ട്, ഒമ്പത്, 10 ക്ലാസുകളിലെ വിദ്യാർഥികളാണ് പ്രതിഷേധിച്ചത്. തുടർന്ന് 10ാം ക്ലാസ് വിദ്യാർഥികൾ രക്ഷിതാക്കളോടൊപ്പം ഡി.ഡി.ഇ ഒാഫിസിലെത്തി പരാതിയും നൽകി. ജൂൺ 28ന് ഇതുസംബന്ധിച്ച് രക്ഷിതാക്കൾ ഡി.ഡി.ഇക്ക് പരാതി നൽകിയിരുന്നു. തുടർന്ന് പ്രധാനാധ്യാപകെൻറ കൂടി റിപ്പോർട്ടിെൻറ അടിസ്ഥാനത്തിലാണ് പുഴാതി സ്കൂളിലേക്ക് അധ്യാപികയെ സ്ഥലംമാറ്റിയത്. എന്നാൽ, ബുധനാഴ്ച മുതൽ അധ്യാപിക അവധിയിൽ പ്രവേശിച്ചതോടെ പകരക്കാരിയായ അധ്യാപികക്ക് വരാനാവാതായി. ഇത് ആസൂത്രിതമാണെന്നാണ് പരാതി. രണ്ട് ദിവസത്തിനകം പുതിയ നിയമനമുണ്ടാകുമെന്ന് ഡി.ഡി.ഇ ഉറപ്പുനല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.