കാഞ്ഞങ്ങാട്: വാടക നിയന്ത്രണ ബിൽ അടിയന്തരമായി പാസാക്കുക, ഹൈവേ വികസനപേരിൽ ഒഴിപ്പിക്കപ്പെടുന്ന വ്യാപാരികൾക്ക് പുനരധിവാസവും നഷ്ടപരിഹാരവും നൽകുക എന്നീ ആവശ്യങ്ങളുന്നയിച്ച് കേരള വ്യാപാരി വ്യവസായി സമിതി ജില്ല കമ്മിറ്റിയുടെ നേതൃത്വത്തിൽ കാഞ്ഞങ്ങാട് ഹെഡ് പോസ്റ്റ് ഓഫിസ് മാർച്ച് നടത്തി. മാർച്ച് ഡോ. വി.പി.പി. മുസ്തഫ ഉദ്ഘാടനം ചെയ്തു. വിദേശ കുത്തകകൾക്ക് രാജ്യത്തേക്ക് കടന്നുവരാൻ എല്ലാ വാതിലുകളും തുറന്നിടുന്ന അവസ്ഥയാണെന്ന് അദ്ദേഹം പറഞ്ഞു. ജില്ല പ്രസിഡൻറ് പി.കെ. ഗോപാലൻ അധ്യക്ഷത വഹിച്ചു. സംസ്ഥാന കമ്മിറ്റി അംഗം പി. ദാമോദരൻ, എസ്. ബാലൻ എന്നിവർ സംസാരിച്ചു. രാഘവൻ വെളുത്തോളി സ്വാഗതം പറഞ്ഞു. പ്രകടനത്തിന് വി.വി. ഉദയകുമാർ, ഇ. രാഘവൻ, ടി. സത്യൻ, കെ. മോഹനൻ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.