ഇരിട്ടി: ഇരിട്ടി പുതിയ സ്റ്റാൻഡിലെ മുസ്ലിം ലീഗ് ഓഫിസായ സി.എച്ച് സൗധത്തിൽ നടന്ന സ്ഫോടനത്തെക്കുറിച്ചും ആയുധങ്ങളും ബോംബും കണ്ടെത്തിയ സംഭവത്തെക്കുറിച്ചും െപാലീസ് അന്വേഷണം ഉൗർജിതമാക്കി. കേസ് അന്വേഷിക്കാൻ പ്രത്യേകമായി രൂപവത്കരിച്ച അന്വേഷണസംഘം കഴിഞ്ഞദിവസം തെളിവെടുപ്പ് തുടങ്ങി. തലശ്ശേരി എ.എസ്.പി ചൈത്ര തെരേസ ജോൺ ഓഫിസ് പരിശോധിച്ചു. സമീപത്തെ വ്യാപാരസ്ഥാപനങ്ങളിലെ നിരീക്ഷണക്കാമറ െപാലീസ് പരിശോധിച്ചുവരുകയാണ്. സംഭവത്തിൽ ലീഗ് ഓഫിസ് ഭാരവാഹികൾക്കെതിരെ കേസെടുത്തിരുന്നു. ഇവരിൽ ചിലരിൽനിന്ന് പൊലീസ് മൊഴിയെടുത്തു. പൊലീസ് സയൻറിഫിക് വിഭാഗം കഴിഞ്ഞദിവസം ഓഫിസിൽ എത്തി പരിശോധന നടത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.