ബദിയടുക്ക: എൻമകജെ പഞ്ചായത്തിലെ ബി.ജെ.പി ഭരണസമിതിക്കെതിരെ യു.ഡി.എഫ് കൊണ്ടുവന്ന അവിശ്വാസപ്രമേയം എൽ.ഡി.എഫ് പിന്തുണയോടെ പാസായി. ഇതോടെ കാറഡുക്കക്ക് പിന്നാലെ എൻമകെജയിലും ബി.ജെ.പിക്ക് ഭരണം നഷ്ടമായി. നിലവിലെ പ്രസിഡൻറ് രൂപവാണി ആർ. ഭട്ടിനെതിരെ യു.ഡി.എഫ് പ്രതിനിധി കോൺഗ്രസിലെ വൈ. ശാരദ അവതരിപ്പിച്ച അവിശ്വാസപ്രമേയം ഏഴിനെതിെര പത്ത് വോട്ടുകൾക്കാണ് പാസായത്. ആകെ 17 സീറ്റുകളുള്ള പഞ്ചായത്തിൽ ബി.ജെ.പി -7, കോൺഗ്രസ് -4, മുസ്ലിംലീഗ് -3, സി.പി.എം -2, സി.പി.ഐ -1 എന്നിങ്ങനെയാണ് കക്ഷിനില. വൈസ് പ്രസിഡൻറ് കെ. പുട്ടപ്പക്കെതിരായ അവിശ്വാസപ്രമേയം ഇന്ന് രാവിലെ 11ന് ചർച്ചക്കെടുക്കും. ലീഗിലെ സിദ്ദീഖ് ഒളമൊഗറാണ് നോട്ടിസ് നൽകിയത്. ഇടത് മുന്നണി വിട്ടുനിന്നതിനാൽ നറുക്കെടുപ്പിലൂടെയാണ് പഞ്ചായത്തിൽ ബി.ജെ.പി പ്രസിഡൻറ്, വൈസ് പ്രസിഡൻറ് സ്ഥാനങ്ങളിലെത്തിയത്. കഴിഞ്ഞവർഷം യു ഡി.എഫ് അവിശ്വാസപ്രമേയം കൊണ്ടുവന്നെങ്കിലും ഇടതുപക്ഷം വിട്ടുനിൽക്കുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.