ശ്രീകണ്ഠപുരം: സംസ്ഥാന പാതക്കരികിൽ ശ്രീകണ്ഠപുരം നഗരസഭ ഓഫിസിൽ പോകാൻ ജനങ്ങൾ ജീവൻ പണയം വെക്കണം. നിരന്തരം വാഹനങ്ങൾ ചീറിപ്പായുന്നതിനാൽ റോഡിനിടയിലൂടെ നഗരസഭ ഓഫിസിൽ പോകാനും തിരികെ വരാനുമാണ് ജനങ്ങൾ കഷ്ടപ്പെടുന്നത്. റോഡിൽ സീബ്രാലൈൻ പോലുമില്ല. നഗരസഭ കെട്ടിടത്തിനു മുന്നിൽ സംസ്ഥാന പാതയിലാണ് ടാക്സികളുടെ പാർക്കിങ്. ഇതും ഗതാഗത തടസ്സമുണ്ടാക്കുന്നുണ്ട്. ഇവിടെ അപകടങ്ങൾ പതിവാണ്. വലുതും ചെറുതുമായ ടാക്സികൾ നഗരസഭക്കുമുന്നിൽനിന്ന് മാറ്റി കോട്ടൂരിൽ പാർക്കിങ് ഒരുക്കണമെന്ന ആവശ്യം ശക്തമാണ്. ടാക്സികൾക്ക് കോട്ടൂരിൽ പാർക്കിങ് ഒരുക്കാനും റോഡിൽ സീബ്രാവരയിടാനും അധികൃതർ തയാറായാൽ അപകടങ്ങൾ കുറയ്ക്കാനും ജനങ്ങളുടെ ഭീതിയകറ്റാനും കഴിയും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.