കാഞ്ഞങ്ങാട്: പൊലീസിനെ ആക്രമിച്ച കേസില് ഒമ്പത് ബി.ജെ.പി പ്രവര്ത്തകരെ ഹോസ്ദുർഗ് പൊലീസ് അറസ്റ്റ് ചെയ്തു. മാവുങ്കാലില് വെച്ച് പൊലീസിനെ ആക്രമിച്ചതിന് ഗിരീഷ് (37), അനൂപ് (24), ജ്യോതി പ്രകാശ് (37), മോഹനന് (32) എന്നിവരെയാണ് അറസ്റ്റ് ചെയ്തത്. കോട്ടപ്പാറയില്വെച്ച് പൊലീസിനെ ആക്രമിച്ച സംഭവത്തില് കൃഷ്ണന് (46), സനീഷ് (27), ഉണ്ണികൃഷ്ണന് (28), സുനില് കുമാര് (31), സജിത് (27) എന്നിവരെ അമ്പലത്തറ പൊലീസും അറസ്റ്റ് ചെയ്തു. സ്വാതന്ത്യദിനത്തോടനുബന്ധിച്ച് ഡി.വൈ.എഫ്.ഐ കോട്ടപ്പാറയില് സംഘടിപ്പിച്ച പൊതുപരിപാടിയുമായി ബന്ധപ്പെട്ടാണ് കോട്ടപ്പാറയിലും മാവുങ്കാലിലും സംഘര്ഷാവസ്ഥയുണ്ടായത്. പരിപാടി കഴിഞ്ഞ് ഡി.വൈ.എഫ്.െഎ പ്രവർത്തകർ പിരിഞ്ഞുപോയ ശേഷം ബി.ജെ.പി പ്രവർത്തകർ പൊലീസിനും പൊലീസ് വാഹനങ്ങൾക്കും നേരെ ആക്രമണം നടത്തിയെന്നാണ് കേസ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.