പുതിയതെരു: കാട്ടാമ്പള്ളി ഗവ. മാപ്പിള യു.പി സ്കൂൾ ഹൈസ്കൂളാക്കി ഉയർത്തണമെന്നാവശ്യപ്പെട്ട് വിദ്യാർഥികൾ മുഖ്യമന്ത്രിക്ക് കത്തയച്ചു. വിദ്യാർഥികൾ നേരിട്ട് കാട്ടാമ്പള്ളി പോസ്റ്റ് ഓഫിസിൽ എത്തിയാണ് കത്തയച്ചത്. 700ഓളം വരുന്ന വിദ്യാർഥികൾ വ്യാഴാഴ്ച രാവിലെ പ്രകടനമായെത്തിയാണ് സ്വന്തം കൈപ്പടയിൽ എഴുതി തയാറാക്കിയ പോസ്റ്റ് കാർഡ് തപാലായി അയച്ചത്. കെട്ടിടത്തിൽ ഓഡിറ്റോറിയം ഉൾപ്പെടെ ഹൈസ്കൂൾ ആയി ഉയർത്തുന്നതിന് വേണ്ട ഭൗതികസാഹചര്യമുണ്ട്. ഇൗ പശ്ചാത്തലത്തിലാണ് കത്തയച്ചത്. തുടർന്ന് നടന്ന യോഗം ചിറക്കൽ പഞ്ചായത്ത് പ്രസിഡൻറ് എ. സോമൻ ഉദ്ഘാടനം ചെയ്തു. പഞ്ചായത്ത് വികസന സ്റ്റാൻഡിങ് കമ്മിറ്റി ചെയർമാൻ കെ. പവിത്രൻ അധ്യക്ഷത വഹിച്ചു. കണ്ണൂർ ബ്ലോക്ക് പഞ്ചായത്ത് അംഗം കെ. ഗൗരി, പ്രധാനാധ്യാപിക ഗംഗാ ഭായി, കർമസമിതി അംഗങ്ങളായ ശൈലേന്ദ്രൻ, അബ്ദുൽ ജബ്ബാർ, കെ.പി. സുരേന്ദ്രൻ, കെ. കോയ, ലത്തീഫ് മാസ്റ്റർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.