കണ്ണൂർ: വിദ്യാരംഭദിനത്തിൽ ജില്ലയിലെ ആയിരക്കണക്കിന് കുഞ്ഞുങ്ങൾ അറിവിെൻറ ആദ്യക്ഷരം കുറിച്ചു. കുറുമ്പുകാട്ടിയും കുഞ്ഞിപ്പല്ലുകാട്ടി ചിരിച്ചും ഗുരുവിെൻറ കൈപിടിച്ച് കുഞ്ഞുങ്ങൾ അരിയിൽ അക്ഷരങ്ങൾ എഴുതി. ക്ഷേത്രങ്ങളുടെയും ലൈബ്രറികളുടെയും സന്നദ്ധ സംഘടനകളുടെയും ആഭിമുഖ്യത്തിലാണ് വിവിധയിടങ്ങളിൽ ചടങ്ങുകൾ നടന്നത്. ജില്ല ലൈബ്രറി കൗൺസിൽ ഹാളിൽ നടന്ന വിദ്യാരംഭച്ചടങ്ങ് മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്തു. കാലിക്കറ്റ് സർവകലാശാലാ മുൻ ൈവസ് ചാൻസലർ ഡോ. കെ.കെ.എൻ. കുറുപ്പും മന്ത്രി രാമചന്ദ്രൻ കടന്നപ്പള്ളിയുമാണ് വിദ്യാരംഭം കുറിച്ചത്. ജില്ല പഞ്ചായത്ത് പ്രസിഡൻറ് കെ.വി. സുമേഷ്, ലൈബ്രറി കൗൺസിൽ ജില്ല വൈസ് പ്രസിഡൻറ് എം. മോഹനൻ, ജില്ല സെക്രട്ടറി പി.കെ. ബൈജു, എം. ബാലൻ, എ. പങ്കജാക്ഷൻ, കമലാ സുധാകരൻ, എ. ശ്രീധരൻ, ഇ.കെ. സിറാജ് എന്നിവർ സംസാരിച്ചു. ചൊക്ലി ഊരാച്ചേരി ഗുരുനാഥന് സ്മൃതികേന്ദ്രത്തില് ലൈബ്രറി കൗൺസില് ജില്ല വൈസ് പ്രസിഡൻറ് കവിയൂര് രാജഗോപാലെൻറ നേതൃത്വത്തിലാണ് എഴുത്തിനിരുത്തിയത്. എന്.കെ. ദാസന് സ്വാഗതം പറഞ്ഞു. കണ്ണൂർ മുനീശ്വരൻ കോവിൽ, പിള്ളയാർ കോവിൽ, സൗത്ത് ബസാർ കാഞ്ചി കാമാക്ഷിയമ്മൻ കോവിൽ, താളിക്കാവ് ഭഗവതിക്ഷേത്രം, അഴീക്കോട് പുതിയാപ്പറമ്പ് പുതിയകാവ് ഭഗവതിക്ഷേത്രം തുടങ്ങിയിടങ്ങളിലും എഴുത്തിനിരുത്ത് ചടങ്ങ് നടന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.