പാനൂർ: പൊയിലൂർ മേഖലയിൽ പശുക്കൾ പേയിളകി ചത്തതിനെത്തുടർന്ന് പ്രദേശവാസികൾ ആശങ്കയിൽ. പൊയിലൂർ ചമതക്കാട് ഭാഗത്താണ് രണ്ട് പശുക്കൾ ചത്തത്. ഒരു പശു അവശനിലയിലാണ്. ആവിലുള്ള പറമ്പത്ത് ചാത്തു, കുഞ്ഞിക്കണ്ണൻ എന്നിവരുടെ പശുക്കളാണ് തുടർച്ചയായ ദിവസങ്ങളിൽ ചത്തത്. പുഴക്കൽ പറമ്പ് ഭാസ്കരെൻറ പശുവാണ് അവശനിലയിലായത്. പശുവുമായി സമ്പർക്കം പുലർത്തിയവരും പാല് കുടിച്ചവരുമായി 15 ഓളം പേർ പ്രതിരോധ കുത്തിവെപ്പെടുത്തു. പശുക്കളെ ഭ്രാന്തൻ നായ കടിച്ചതാണെന്ന് കരുതുന്നു. പേബാധയേറ്റാണ് പശുക്കൾ ചത്തതെന്ന് വെറ്ററിനറി ഡോക്ടർ സ്ഥിരീകരിച്ചു. അതേസമയം, നായ കടിച്ചതിെൻറ പാടുകളൊന്നും പശുക്കളുടെ മേൽ കണ്ടിട്ടില്ലെന്ന് വീട്ടുകാർ പറഞ്ഞു. രണ്ടുമാസം മുമ്പ് സമീപത്തെ പാറയുള്ള പറമ്പത്തും പശു ചത്തിരുന്നു. രോഗം വന്നതിനുശേഷം അഞ്ച് ദിവസങ്ങളോളം ഇവ വെള്ളമോ ഭക്ഷണമോ കഴിച്ചില്ലെന്ന് വീട്ടുകാർ പറഞ്ഞു. പശുവിെൻറ ഉടമസ്ഥർക്ക് തക്കതായ നഷ്ടപരിഹാരം നൽകണമെന്നും പ്രദേശവാസികളുടെ ആശങ്കയകറ്റണമെന്നും ആവശ്യമുയർന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.