മഞ്ചേശ്വരം: വോർക്കാടിയിൽ റേഷന് കടയുടമയുടെ വീട് കുത്തിത്തുറന്ന് 12 പവന് സ്വര്ണാഭരണങ്ങളും എൽ.സി.ഡി ടി.വിയും കവര്ന്നു. മഞ്ചേശ്വരം വോർക്കാടി നന്ദാരപദവിലെ റേഷന്കടയുടമ സതീശെൻറ വീട്ടിലാണ് കവര്ച്ച നടന്നത്. തിങ്കളാഴ്ച രാവിലെ സതീശന് റേഷന്കടയിലേക്കും ഭാര്യ ജയന്തി മംഗളൂരുവിലേക്കും പോയിരുന്നു. വൈകീട്ട് വീട്ടില് തിരിച്ചെത്തിയപ്പോഴാണ് മുന്വശത്തെ വാതില് പൊളിച്ച നിലയില് കണ്ടത്. അകത്തെ അലമാരയില് സൂക്ഷിച്ച സ്വര്ണാഭരണങ്ങളും വീടിെൻറ ഓഫിസ് മുറിയിലുണ്ടായിരുന്ന എൽ.സി.ഡി ടി.വിയുമാണ് കവര്ന്നത്. വിവരമറിഞ്ഞ് മഞ്ചേശ്വരം പൊലീസ് സ്ഥലത്തെത്തി അന്വേഷണം നടത്തുന്നതിനിടയിൽ ബെഡ്റൂമിലെ കട്ടിലിനു അടിഭാഗത്ത് സ്വർണം കണ്ടെത്തി. സംഭവത്തെക്കുറിച്ച് പൊലീസ് അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.