അറവിലകത്ത് അടിപ്പാത യാഥാർഥ്യമാക്കും -എം.പി മാഹി: അറവിലകത്ത് റെയിൽവേ അടിപ്പാത യാഥാർഥ്യമാക്കുന്നതിന് ആവശ്യമായതെല്ലാം ചെയ്യുമെന്ന് മുല്ലപ്പള്ളി രാമചന്ദ്രന്‍ എം.പി പറഞ്ഞു. നിർദിഷ്ട അടിപ്പാതയുടെ സ്ഥലം സന്ദർശിച്ച ശേഷം സംസാരിക്കുകയായിരുന്നു അദ്ദേഹം. മാഹിയിൽനിന്നും ന്യൂ മാഹി ടൗൺ, കല്ലായി അങ്ങാടി, ഈച്ചിവഴി പള്ളൂർ നടവയൽ റോഡിലൂടെ പള്ളൂരിൽ എളുപ്പം എത്താവുന്ന പാതയാണിത്. ഒരു കോടി രൂപയോളമാണ് ചെലവു കണക്കാക്കുന്നത്. റെയില്‍വേയുടെ എസ്റ്റിമേറ്റ് കഴിഞ്ഞ ദിവസം മാഹി എം.എല്‍.എക്കു ലഭിച്ചു. മുൻ ഡി.ജി.പി ടി. ആസഫലി, കെ. ഹരീന്ദ്രൻ, കർമസമിതി കൺവീനർ എടോളിൽ കുമാരൻ, കെ.പി. പ്രേംകുമാർ, കെ. രാജേന്ദ്രകുമാർ, എൻ.കെ. പ്രേമൻ, സി.ആർ. റസാഖ്, എൻ. മോഹനൻ, സാജിദ് പെരിങ്ങാടി, കെ.എം. പ്രഭാകരൻ എന്നിവരും ഒപ്പമുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.