ചെറുവത്തൂർ: മേൽപാലം കഴിഞ്ഞാലുള്ള വെള്ളക്കെട്ട് വാഹനങ്ങൾക്ക് അപകടഭീഷണി ഉയർത്തുന്നു. ചെറുവത്തൂർ ഗവ. വെൽഫെയർ യു.പി സ്കൂളിന് മുന്നിലാണ് അപകടഭീഷണി ഉയർത്തി വെള്ളക്കെട്ടുള്ളത്. മഴയിലും വെയിലിലും ഒരുപോലെയാണ് ഈ വെള്ളക്കെട്ട്. കൈതക്കാട് ഭാഗത്തേക്കുള്ള തകർന്ന റോഡിൽ രൂപപ്പെട്ട കുഴികളിലാണ് വെള്ളം കെട്ടിനിൽക്കുന്നത്. കുഴികൾ ശ്രദ്ധയിൽപെടാത്തതുമൂലം ഇരുചക്രവാഹനങ്ങളും ഓട്ടോയും അപകടത്തിൽപെടുകയാണ്. സ്കൂൾകുട്ടികൾക്കും മറ്റു വഴിയാത്രികർക്കും ഇത് ദുരിതംവിതക്കുകയാണ്. പലതവണ യാത്രക്കാർ പരാതിപ്പെട്ടിട്ടും വെള്ളക്കെട്ട് മാറ്റാൻ അധികൃതർ ഇടപെടുന്നില്ലെന്ന പരാതി ഉയർന്നിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.