പേരാവൂർ: കനത്തമഴയിൽ പേരാവൂർ ടൗണിലെ ഇരുനിലക്കെട്ടിടം തകർന്നുവീണ് വ്യാപാരസ്ഥാപനങ്ങൾ നശിച്ചു. കൊട്ടിയൂർ റോഡിൽ കാടാങ്കണ്ടി മധുവിെൻറ ഉടമസ്ഥതയിലുള്ള കെട്ടിടമാണ് വ്യാഴാഴ്ച ഉച്ചയോടെ തകർന്നുവീണത്. വലിയ ശബ്ദത്തോടെ ഇരുനിലക്കെട്ടിടം നിലംപതിക്കുകയായിരുന്നു. ടൗണിൽ ആളുകളുണ്ടായിരുന്നെങ്കിലും ആർക്കും പരിക്കില്ല. ഈ കെട്ടിടത്തിൽ പ്രവർത്തിക്കുന്ന ബാബു ഹാർഡ്‌വെയർ ഗ്ലാസ് കട്ടിങ് സെൻറർ, കെ.എസ് സ്റ്റോർസ്, കസ്തൂരി സജീവെൻറ െടയ്ലറിങ് ഷോപ് എന്നിവയാണ് തകർന്നത്. അപകടത്തെ തുടർന്ന് ഒരു മണിക്കൂറിലധികം പേരാവൂർ-കൊട്ടിയൂർ റോഡിൽ ഭാഗികമായി ഗതാഗതം തടസ്സപ്പെട്ടു. പേരാവൂർ എസ്.ഐ കെ.വി. സ്മിതേഷിെൻറ നേതൃത്വത്തിലുള്ള െപാലീസ്, അഗ്നിരക്ഷാസേനാ പ്രവർത്തകർ, നാട്ടുകാർ, വ്യാപാരികൾ, ചുമട്ടുതൊഴിലാളികൾ എന്നിവർ ചേർന്ന് സാധനങ്ങൾ കെട്ടിടാവശിഷ്ടങ്ങൾക്കിടയിൽനിന്ന് ശേഖരിച്ച് സമീപത്തെ കെട്ടിടത്തിലേക്ക് മാറ്റി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.