ചക്കരക്കൽ: വട്ടപ്പൊയിലിൽ മദ്യലഹരിയിൽ കാറിനും കടകൾക്കും നേരെ ആക്രമണം. രണ്ടുപേരെ പൊലീസ് അറസ്റ്റ്ചെയ്തു. ചൊവ്വാഴ്ച രാത്രി 11.15ഓടെ മദ്യലഹരിയിലെത്തിയ ഇവർ ആളുകളെ ഭീഷണിപ്പെടുത്തുകയും ചെയ്തിരുന്നു. വട്ടപ്പൊയിൽ കപ്പണച്ചാൽ ഇബ്രാഹിമിെൻറ മകൻ കെ.പി. റസ്മിൽ (25), വട്ടപ്പൊയിൽ കുടത്തിൽ അബ്ദുൽ റസാഖിെൻറ മകൻ കെ. നജീബ് (32) എന്നിവരാണ് അറസ്റ്റിലായത്. മൗവഞ്ചേരി സ്വദേശി ഹാരിസിെൻറ കാർ, ചതുരക്കിണർ സ്വദേശി അബ്ദുൽ മജീദിെൻറ കോഴിക്കട, ഏച്ചൂർ സ്വദേശി അബ്ദുൽ ഖാദറിെൻറ പലചരക്കുകട, കമ്പിൽ സ്വദേശി ഇബ്രാഹിം കുട്ടിയുടെ കൂൾബാർ എന്നിവയായിരുന്നു ഇവർ അടിച്ചുതകർത്തത്. പ്രദേശത്ത് മണിക്കൂറുകളോളം ഭീകരാന്തരീക്ഷം സൃഷ്ടിക്കുകയും പൊലീസിനെ കൈയേറ്റംചെയ്യാൻ ശ്രമിക്കുകയും പൊലീസിനെ അസഭ്യം പറയുകയുംചെയ്തു. തലശ്ശേരി സി.ജെ.എം കോടതിയിൽ ഹാജരാക്കിയ പ്രതികളെ റിമാൻഡ്ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.