കല്യാശ്ശേരി: കല്യാശ്ശേരിയിൽ അടച്ചുപൂട്ടിയ എ വൺ മാർബിൾസിലെ തൊഴിലാളികൾ ആനുകൂല്യത്തിനായി ജൂലൈ 10 മുതൽ അനിശ്ചിതകാലസമരം തുടങ്ങുമെന്ന് യൂനിയൻ ഭാരവാഹികൾ വാര്‍ത്താസമ്മേളനത്തിൽ അറിയിച്ചു. കമ്പനിയിലുണ്ടായിരുന്ന 75-ൽപരം തൊഴിലാളികളെ വഴിയാധാരമാക്കി മാനേജ്മെൻറ് കമ്പനി സ്ഥലം വിൽക്കാൻ ശ്രമം നടത്തുന്നതായി എ വൺ മാർബിൾസ് സ്റ്റാഫ് അസോസിയേഷൻ (സി.ഐ.ടി.യു) ഭാരവാഹികൾ കുറ്റപ്പെടുത്തി. ആനുകൂല്യം നൽകാത്തപക്ഷം അനിശ്ചിതകാലസമരം തുടങ്ങുമെന്നും ഭാരവാഹികൾ അറിയിച്ചു. നിയമാനുസൃതമായ ആനുകൂല്യം നൽകുമെന്ന ഉറപ്പിലാണ് നിരവധി തൊഴിലാളികൾ കമ്പനിയിൽനിന്ന് പിരിഞ്ഞുപോയത്. എന്നാൽ, കമ്പനി പൂട്ടി ഒരുവർഷമായിട്ടും ഒരു ആനുകൂല്യംപോലും നൽകാൻ മാനേജ്മെൻറ് തയാറായിട്ടില്ല. കമ്പനിയിൽ ജോലിചെയ്യവെ 2015-ൽ ബൈക്ക് അപകടത്തിൽ മരിച്ച കാട്യം സ്വദേശി പട്ടേരി അനീഷിെൻറ ഇൻഷുറൻസ് ആനുകൂല്യംപോലും മാനേജ്മെൻറിെൻറ പിടിപ്പ്കേടുമൂലം ലഭിച്ചിട്ടിെല്ലന്നും തൊഴിലാളിനേതാക്കൾ കുറ്റപ്പെടുത്തി. വാര്‍ത്താസമ്മേളനത്തിൽ പടുവിലാൻ പ്രകാശൻ, സി. ശ്രീജേഷ്, പി.എൻ. രവീന്ദ്രൻ, അജിത്ത് ജോൺ, പി. രാജൻ എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.