കണ്ണൂര്‍: സെപ്റ്റംബര്‍ ആറ് മുതല്‍ 12 വരെ ഫിലിപ്പീന്‍സിലെ മനിലയില്‍ നടക്കുന്ന ഏഷ്യന്‍ ബഞ്ച്പ്രസ് (പവര്‍ ലിഫ്റ്റിങ്) മത്സരത്തില്‍ പങ്കെടുക്കുന്ന ഇന്ത്യന്‍ ടീമിലേക്ക് കണ്ണൂരില്‍നിന്ന് മൂന്നുപേർ. സി.കെ. സദാനന്ദൻ, ഭരത്കുമാര്‍ എന്നിവരെ ടീമിലേക്കും മോഹന്‍ പീറ്റേഴ്‌സിനെ കോച്ചുമായാണ് തെരഞ്ഞെടുത്തതെന്ന് സംഘാടകര്‍ വാര്‍ത്തസമ്മേളനത്തില്‍ പറഞ്ഞു. കഴിഞ്ഞ ഡിസംബറില്‍ ജാംഷഡ്പൂരില്‍ നടന്ന സുബത്ര ക്ലാസിക് ഇൻറര്‍നാഷനല്‍ ചാമ്പ്യന്‍ഷിപ്പിെൻറ മെഡല്‍ നേടിയതിെൻറ വെളിച്ചത്തിലാണ് ഇവരെ ഇന്ത്യന്‍ ടീമിലേക്ക് തെരഞ്ഞെടുത്തത്. സ്‌പോര്‍ട്‌സ് കൗണ്‍സിലംഗവും സംസ്ഥാന പവര്‍ലിഫ്റ്റിങ് അസോസിയേഷന്‍ ട്രഷററും ഇൻറര്‍നാഷനല്‍ റഫറിയുമാണ് മോഹന്‍ പീറ്റേഴ്‌സ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.