ശ്രീകണ്ഠപുരം: ജില്ല വോളിബാൾ അസോസിയേഷനും വൈ.ബി.സി ചുഴലിയും ചേർന്നുനടത്തിയ ജില്ല സീനിയർ വോളിബാൾ ചാമ്പ്യൻഷിപ്പ് സമാപിച്ചു. പുരുഷവിഭാഗം ഫൈനലിൽ കണ്ണൂർ 122 ഇൻഫാൻട്രി ബറ്റാലിയനെ പരാജയപ്പെടുത്തി ജോളി കാനായി ജേതാക്കളായി. വനിത വോളിയിൽ കൃഷ്ണമേനോൻ സ്മാരക വനിത കോളജിനെ പരാജയപ്പെടുത്തി സായ് തലശ്ശേരി ജേതാക്കളായി. ജില്ല പഞ്ചായത്ത് പ്രസിഡൻറ് കെ.വി. സുമേഷ്, കണ്ണൂർ ഡിവൈ.എസ്.പി പി.പി. സദാനന്ദൻ എന്നിവർ സമ്മാനദാനം നിർവഹിച്ചു. ചെങ്ങളായി പഞ്ചായത്ത് വൈസ് പ്രസിഡൻറ് വി. ഭാസ്കരൻ, സി.പി.എം ലോക്കൽ സെക്രട്ടറി പി. പ്രകാശൻ, സംഘാടകസമിതി കൺവീനർ പി.വി. രാജേഷ്, വി.കെ. സനോജ്, എം. എം. രൂപേഷ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.