പാനൂർ: പൊയിലൂരിൽ അയൽവാസിയുമായുണ്ടായ കലഹത്തിനിടെ വെടിവെപ്പും ബോംബേറും. പൊയിലൂർ കമ്പനി മുക്കിലെ പടിഞ്ഞാറയിൽ ബാലൻ, അയൽവാസി കൂട്ടായീൻറവിട രതീശെൻറ വീട്ടിലെത്തി അക്രമം നടത്തിയതായാണ് ആരോപണം. തിങ്കളാഴ്ച വൈകീട്ട് അഞ്ചുമണിയോടെയാണ് സംഭവം. ബാലൻ മൂന്ന് റൗണ്ട് വെടിവെച്ചെങ്കിലും ഉന്നം പിഴച്ചതിനാലാണ് പരിക്കേൽക്കാതെ രക്ഷപ്പെട്ടതെന്ന് രതീശൻ പറഞ്ഞു. വീടിന് ബോംബെറിഞ്ഞെങ്കിലും ആർക്കും പരിക്കേറ്റില്ല. നാടൻ ബോംബാണെറിഞ്ഞതെന്നും ഇയാൾക്ക് തോക്ക് ഉപയോഗിക്കാൻ ലൈസൻസ് ഇല്ലെന്നും പൊലീസ് പറഞ്ഞു. എസ്.ഐ ബിജുവും സംഘവും സ്ഥലം സന്ദർശിച്ച് അന്വേഷണം തുടങ്ങി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.