കെ. കണ്ണപുരം: നിയന്ത്രണംവിട്ട കാര് വൈദ്യുതിത്തൂണിൽ ഇടിച്ചു. ഞായറാഴ്ച പുലർച്ചെ ആറുമണിയോടെയാണ് കെ. കണ്ണപുരം ന്യൂകേരള സ്പോർട്സ് ക്ലബിനു സമീപം കാര് തൂണിലിടിച്ച് നിന്നത്. ഡ്രൈവർ പരിക്കേൽക്കാതെ രക്ഷപ്പെട്ടു. കണ്ണൂരിൽനിന്നും പഴയങ്ങാടി ഭാഗത്തേക്ക് പോവുകയായിരുന്ന കാറാണ് അപകടത്തിൽപ്പെട്ടത്. ഡ്രൈവർ മാത്രമേ കാറിലുണ്ടായിരുന്നുള്ളു. നിയന്ത്രണംവിട്ട കാർ റോഡരികിലുള്ള ട്രാൻസ്ഫോർമർ സ്ഥാപിച്ച വൈദ്യുതി തൂണിനിടയിലേക്കിടിച്ചുകയറുകയായിരുന്നു. കാറിനും തൂണിനും ട്രാൻസ്ഫോർമറിനും കേടുപാട് പറ്റി. കണ്ണപുരം പൊലീസും കെ.എസ്.ഇ.ബി അധികൃതരും സ്ഥലത്തെത്തി. കഴിഞ്ഞദിവസം അമിതവേഗതയിൽ വന്ന കാറിടിച്ച് കണ്ണപുരം പൊലീസ് സ്റ്റേഷനു സമീപം കാൽനടക്കാരൻ മരിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.