റോഡ് തകർച്ച: പുതിയങ്ങാടി---മാടായി--മാട്ടൂൽ തീരദേശപാതയിൽ ദുരിതയാത്ര തകർന്ന പുതിയങ്ങാടി--മാടായി-- മാട്ടൂൽ തീരദേശ റോഡ് പഴയങ്ങാടി: പുതിയങ്ങാടി--മാടായി--മാട്ടൂൽ തീരദേശപാത തകർന്ന് ഗതാഗതം ദുരിതപൂർണമായി. മഴ ശക്തമായതോടെ റോഡ് ചളിക്കുളമായ നിലയിലാണ്. രണ്ട് സ്വകാര്യ ബസുകൾ സർവിസ് നടത്തുന്ന മേഖലയാണിത്. റോഡിലൂടെയുള്ള കാൽനടക്കാരാണ് ഏറെ ബുദ്ധിമുട്ടുന്നത്. ഓട്ടോറിക്ഷകൾ ഇതുവഴി സർവിസ് നടത്താതായതോടെ യാത്രാദുരിതം ഇരട്ടിച്ചിട്ടുണ്ട്. തീരദേശവാസികൾക്ക് പുറംലോകവുമായി ബന്ധപ്പെടാനുള്ള ഏക പാതയാണിത്. അറ്റകുറ്റപ്പണി നടത്തിയിട്ട് കാലങ്ങളേറെയായി. മഴക്കുമുമ്പ് അറ്റകുറ്റപ്പണി നടത്തി ടാറിങ് നടത്തുമെന്ന ഉറപ്പ് അധികൃതർ പാലിച്ചില്ലെന്നാണ് നാട്ടുകാർ പറയുന്നത്. അറ്റകുറ്റപ്പണിക്ക് മേഖലയിൽ ചിലയിടങ്ങളിൽ ജില്ലി ഇറക്കിയതല്ലാതെ തുടർ നടപടികളുണ്ടായില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.