കേളകം: ആറളം ഫാമിലെ തൊഴിലാളികളുടെ ശമ്പളകുടിശ്ശിക ഉൾപ്പെടെയുള്ള ആനുകൂല്യങ്ങൾ നൽകിയില്ലെങ്കിൽ തിരുവോണദിവസം പട്ടിണിസമരം നടത്തുമെന്ന് ഐ.എൻ.ടി.യു.സി ആറളം ഫാം തൊഴിലാളി യൂനിയൻ അറിയിച്ചു. ജൂൺ മുതലുള്ള ശമ്പളകുടിശ്ശികകൾ ഉടൻ വിതരണം ചെയ്യുക, ഡി.എ-ഇൻക്രിമെൻറുകൾ വിതരണം നടത്തുക, ഓണത്തിന് ബോണസും അഡ്വാൻസും വിതരണം ചെയ്യുക, പ്ലാേൻറഷൻ തൊഴിലാളികളുടെ മൈേഗ്രഷൻ നടപ്പിലാക്കുക തുടങ്ങിയ ആവശ്യങ്ങൾ നിരവധിതവണ അധികൃതരുടെ ശ്രദ്ധയിൽപെടുത്തിയിരുന്നു. എന്നാൽ, സർക്കാറും ഫാം മാനേജ്മെൻറും തൊഴിലാളിവരുദ്ധ സമീപനങ്ങളുമായാണ് മുന്നോട്ടുപോയതെന്ന് യൂനിയൻ നേതാക്കൾ ആരോപിച്ചു. തൊഴിലാളികളുടെ ന്യായമായ ആവശ്യങ്ങൾ അംഗീകരിക്കുന്നതുവരെ ശക്തമായ സമരപരിപാടികൾക്ക് യൂനിയൻ നേതൃത്വം കൊടുക്കുമെന്നും യോഗം അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.