പയ്യന്നൂർ:- പയ്യന്നൂർ മണ്ഡലത്തിലെ പൊതുമരാമത്ത് റോഡുകളുടെ അറ്റകുറ്റപ്പണികൾക്ക് രണ്ടരക്കോടി രൂപ അനുവദിച്ചതായി സി. കൃഷ്ണൻ എം.എൽ.എ അറിയിച്ചു. മണ്ഡലത്തിൽ പൊതുമരാമത്ത് വകുപ്പിന് കീഴിൽ 275 കിലോമീറ്റർ റോഡാണുള്ളത്. 2017 -18 വർഷത്തിലെ എസ്.എൽ.ടി.എഫിൽ ഉൾപ്പെടുത്തി വകുപ്പുമന്ത്രി ജി. സുധാകരനാണ് തുക അനുവദിച്ചത്. ആവശ്യമുള്ള സ്ഥലങ്ങളിൽ കുഴിയടക്കലും മറ്റും നടത്തും. മറ്റ് ഫണ്ടുകൾ ഉപയോഗിച്ചുനടത്തുന്ന റോഡ് പ്രവൃത്തികളുമായി കൂടിക്കുഴയാതെ ഗുണമേന്മ ഉറപ്പുവരുത്തി റോഡുകൾ ഗതാഗതയോഗ്യമാക്കുമെന്ന് മന്ത്രി എം.എൽ.എയെ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.