കാസർകോട്: ന്യൂനപക്ഷ ഉദ്യോഗാർഥികൾക്കുവേണ്ടിയുള്ള ചെർക്കളയിലെ മൈനോറിറ്റി കോച്ചിങ് സെൻറർ കാസർകോട് മണ്ഡലത്തിന് പുറത്തേക്ക് മാറ്റാനുള്ള നീക്കം ഉപേക്ഷിക്കണമെന്ന് ആവശ്യപ്പെട്ട് എൻ.എ. നെല്ലിക്കുന്ന് എം.എൽ.എ മുഖ്യമന്ത്രി, ന്യൂനപക്ഷ ക്ഷേമമന്ത്രി കെ.ടി. ജലീൽ എന്നിവർക്ക് നിവേദനം നൽകി. നല്ലനിലയിൽ പ്രവർത്തിക്കുന്ന കോച്ചിങ് സെൻറർ മാറ്റാനുള്ള കാരണമെന്തെന്ന് അറിയില്ലെന്നും സംസ്ഥാനത്തിെൻറ വടക്കേയറ്റത്ത് സ്ഥിതിചെയ്യുന്ന ഇൗ സ്ഥാപനം മാറ്റുന്നത് നീതീകരിക്കാൻ കഴിയില്ലെന്നും എം.എൽ.എ അഭിപ്രായപ്പെട്ടു. മുഖ്യമന്ത്രി ഇക്കാര്യത്തിൽ ഇടപെട്ട് തീരുമാനം പുനഃപരിശോധിക്കണമെന്ന് അദ്ദേഹം അഭ്യർഥിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.