കേളകം: വളയഞ്ചാല് ആദിവാസി കോളനിയില് ഹാംലെറ്റ് പദ്ധതി പ്രകാരം തുടങ്ങിയ കുടിവെള്ള പദ്ധതി നടപ്പാകാത്തത് കോളനിയിലെ അമ്പത് കുടുംബങ്ങള്ക്ക് ദുരിതമായി. അവികസിത പ്രദേശമായ വളയഞ്ചാല് കോളനിയില് ജില്ലാ കലക്ടറുടെ മേല് നോട്ടത്തില് നടപ്പാക്കുന്ന ഒരു കോടി രൂപയുടെ വികസന പ്രവര്ത്തനങ്ങളുടെ ഭാഗമായാണ് കുടിവെള്ള പദ്ധതിയുടെ പ്രവൃത്തി തുടങ്ങിയത്. പ്രവൃത്തി അന്തിമഘട്ടത്തിലാണെങ്കിലും സ്വകാര്യ വ്യക്തിയുടെ വഴിത്തര്ക്കമാണ് പദ്ധതി പൂര്ത്തീകരണതിന് തടസ്സമായതെന്ന് കോളനി നിവാസികള് പറയുന്നു. തടസ്സങ്ങള് പരിഹരിച്ച് എത്രയും പെട്ടെന്ന് പദ്ധതി യാഥാര്ഥ്യമാക്കാന് നടപടിയുണ്ടാവണമെന്ന് കോളനിവാസികള് ജില്ലാ കലക്ടറോട് ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.