അറസ്റ്റിലായ അജിഗോപാൽ
മാന്നാർ: വിദ്യാർഥിനിയെ നടുറോഡിൽ കടന്നുപിടിച്ച് അപമാനിക്കാൻ ശ്രമിച്ച യുവാവിനെ പൊലീസ് അറസ്റ്റ് ചെയ്തു. തിരുവനന്തപുരം ഉളിയങ്കോട് നാലുസെന്റ് കോളനിയിൽ അജിഗോപാലി(39)നെയാണ് മാന്നാർ പൊലീസ് അറസ്റ്റ്ചെയ്തത്.
തിങ്കളാഴ്ച വൈകീട്ട് മാന്നാർ സ്റ്റോർ ജംഗ്ഷനിൽ നിന്ന് ബസ് സ്റ്റാൻഡിലേക്ക് നടന്നു പോയ വിദ്യാർഥിനിയെ പ്രതി റോഡിൽവെച്ച് കടന്നുപിടിക്കുകയായിരുന്നു. പെൺകുട്ടി ഉടൻതന്നെ പിതാവിനെ ഫോണിൽ വിളിച്ചറിയിച്ചു. തുടർന്ന് പൊലീസിൽ വിവരമറിയിക്കുകയായിരുന്നു.
പൊലീസ് ഇൻസ്പെക്ടർ ജോസ് മാത്യുവിന്റെ നേതൃത്വത്തിൽ എസ്.ഐമാരായ അഭിരാം, ജോസി, സിവിൽ പൊലിസ് ഓഫിസർമാരായ പ്രദീപ്, സിദ്ദീഖുൽ അക്ബർ എന്നിവരടങ്ങിയ സംഘം പ്രതിയെ പിടികൂടുകയായിരുന്നു. 2015ൽ ഭാര്യ തീ കൊളുത്തി മരിച്ചതുമായി ബന്ധപ്പെട്ട് ഇയാളുടെ പേരിൽ കേസ് നിലവിലുള്ളതായി പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.