ഒഴുക്കിൽപെട്ട് കാണാതായ ഫയാസിനായി ഫയർഫോഴ്സും പൊലീസും നാട്ടുകാരും തെരച്ചിൽ നടത്തുന്നു
ഇരിട്ടി: പുഴയിൽ കുളിക്കാനിറങ്ങി ഒഴുക്കിൽപെട്ട മകനെ രക്ഷിക്കാൻ ശ്രമിക്കുന്നതിനിടെ യുവതിയും സഹോദരപുത്രനും മുങ്ങി മരിച്ചു. ഉളിക്കൽ നുച്ചിയാട് പുഴയിൽ വെള്ളിയാഴ്ച ഉച്ചയോടെയാണ് ദാരുണ സംഭവം.
കോരമ്പത്ത് മുഹമ്മദ് പള്ളിപ്പാത്ത് -മറിയം ദമ്പതികളുടെ മകൾ താഹിറ (32), സഹോദരൻ ബഷീർ- ഹസീന ദമ്പതികളുടെ മകൻ ബാസിത് (13) എന്നിവരാണ് മരിച്ചത്. ഒഴുക്കിൽപെട്ട് കാണാതായ താഹിറയുടെ മകൻ ഫയാസി(13)നായി ഇരിട്ടി ഫയർഫോഴ്സും പൊലീസും നാട്ടുകാരും തെരച്ചിൽ തുടരുകയാണ്.
താഹിറയുടെയും ബാസിതിൻെറയും മൃതദേഹം പോസ്റ്റുമോർട്ടത്തിനായി പരിയാരം ഗവ. മെഡിക്കൽ കോളജ് ആശുപത്രിയിലേക്ക് മാറ്റി. ഉളിക്കൽ പഞ്ചായത്ത് നുച്ചിയാട് വാർഡ് മെമ്പർ കബീറിൻെറ സഹോദരിയാണ് മരിച്ച താഹിറ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.