ബാലരാമപുരത്ത് വൻ ആയുധ ശേഖരം പിടികൂടി

നെയ്യാറ്റിൻകര: ബാലരാമപുരത്ത് നിന്നു പൊലീസ് വൻ ആയുധ ശേഖരം കണ്ടെത്തി. ബാലരാമപുരം പുത്രക്കാട് വാട്ടർ ടാങ്കിന് സമീപത്ത് നിന്നാണ് ചാക്കിൽ കെട്ടിയ നിലയിലും തുണിയിൽ പൊതിഞ്ഞ നിലയിലും ആയുധങ്ങൾ കണ്ടെത്തിയത്.

ആറ് വാള്, രണ്ട് മഴു, ഒരു വെട്ടുകത്തി, വീര്യം കൂടിയ നാല് ഗുണ്ടുകൾ എന്നിവയാണ് പിടികൂടിയത്. തെരഞ്ഞെടുപ്പിന്റെ ഭാഗമായി പൊലീസ് നടത്തിയ പട്രോളിങ്ങിനിടെയാണ് ആയുധശേഖരം കണ്ടെത്തിയത്. ആഴ്ചകൾക്ക് മുമ്പ് രഹസ്യ അന്വേഷണ വിഭാഗം സംഘർഷ സാധ്യതയുണ്ടെന്ന് പൊലീസിന് റിപ്പോർട്ട് സമർപ്പിച്ചിരുന്നു. പിന്നാലെയാണ് ബാലരാമപുരം പൊലീസിന്റെ നേതൃത്വത്തിൽ പരിശോധന ശക്തമാക്കിയത്.