തിരുവനന്തപുരം: കൊല്ലം ശങ്കേഴ്സ് ജങ്ഷനു സമീപം പെട്ടി ഓട്ടോ അഭയമാക്കിയ തിരുവനന്തപുരം സ്വദേശി നസീറിന്റെ മക്കളെ വനിത ശിശുവികസന വകുപ്പ് സംരക്ഷിക്കുമെന്ന് മന്ത്രി വീണാ ജോര്ജ്. വാര്ത്ത ശ്രദ്ധയില്പ്പെട്ടതിനെ തുടര്ന്ന് മന്ത്രി ഇടപെടലിനെ തുടര്ന്നാണ് നടപടി. വനിത ശിശുവികസന വകുപ്പ് ഡയറക്ടര്ക്ക് മന്ത്രി ഇതുസംബന്ധിച്ച് നിര്ദേശം നല്കുകയായിരുന്നു. കുട്ടികളുടെ സംരക്ഷണവും വിദ്യാഭ്യാസവും സര്ക്കാര് ഏറ്റെടുക്കുന്നതാണെന്നും മന്ത്രി അറിയിച്ചു.
കൊല്ലം സി.ഡബ്ല്യു.സി. ചെയര്മാനും അംഗങ്ങളും ചൈല്ഡ് പ്രൊട്ടക്ഷന് ഓഫീസറും സ്ഥലം സന്ദര്ശിച്ച് നസീറിനേയും മക്കളേയും നേരില് കണ്ട് സംസാരിച്ചു. കുട്ടികളെ ജെ.ജെ. ആക്ട് അനുസരിച്ച് കൊല്ലത്തെ അംഗീകൃത ചില്ഡ്രന്സ് ഹോമിലേക്ക് മാറ്റുന്നതാണ്. രണ്ട് ആണ്കുട്ടികളും ഒരു പെണ്കുട്ടിയുമാണുള്ളത്. കുട്ടികളെ തമ്മില് വേര്പിരിക്കാതെ ഒരുമിച്ചായിരിക്കും താമസിപ്പിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.