വരാപ്പുഴ പീഡനം: ശോഭാ ജോൺ അടക്കം മൂന്ന്​ പ്രതികൾക്ക്​ ഏഴു വർഷം കഠിന തടവ്​

കൊച്ചി: പ്രായപൂർത്തിയാവാത്ത പെൺകുട്ടിയെ നിരവധി പേർക്ക്​ കാഴ്​ചവെച്ച വരാപ്പുഴ പീഡനക്കേസിൽ മുഖ്യപ്രതി ശോഭാ ജോൺ അടക്കം മൂന്ന്​ പ്രതികൾക്ക്​ ഏഴുവർഷം കഠിന തടവ്​. വരാപ്പുഴയിലെ വാടക വീട്ടിൽ പൂട്ടിയിട്ട്​ നിരവധി പേർക്ക്​ പെൺകുട്ടിയെ​ കൈമാറിയ തിരുവനന്തപുരം തിരുമല എം.എസ്.പി നഗര്‍ ബഥേല്‍ ഹൗസില്‍ ശോഭാ ജോൺ (43), പെൺകുട്ടിയെ കൈമാറാൻ കൂട്ടുനിന്ന ശോഭാ ജോണി​​​െൻറ ഡ്രൈവർ തിരുവനന്തപുരം ശാസ്തമംഗലം കാഞ്ഞിരമ്പാറ അരുതക്കുഴി തച്ചങ്കേരി വീട്ടില്‍ അനില്‍ കുമാര്‍ എന്ന കേപ് അനി (39), പെൺകുട്ടിയെ പീഡിപ്പിച്ച കോഴിക്കോട്​ വടകര കാട്ടിൽ പുതിയോട്ടിൽ സുനിൽ (36) എന്നിവരെയാണ്​ എറണാകുളം അഡീഷനൽ സെഷൻസ്​ കോടതി (രണ്ട്​ ജഡ്​ജി) പി.മോഹനകൃഷ്​ണൻ ശിക്ഷിച്ചത്​.

ശോഭാ ​േജാണിനെ വിവിധ വകുപ്പുകളിലായി 17 വർഷം കഠിന തടവിനും 1.50 ലക്ഷം രൂപ പിഴക്കും മറ്റ്​ പ്രതികളെ 14 വർഷം കഠിന തടവിനും ഒരു ലക്ഷം രൂപ പിഴക്കുമാണ്​ ശിക്ഷിച്ചത്​. എങ്കിലും പ്രതികൾ ശിക്ഷ ഒരുമിച്ച്​ ഏഴുവർഷം അനുഭവിച്ചാൽ മതി. പിഴ സംഖ്യ അടച്ചില്ലെങ്കിൽ ശോഭാ ജോൺ ഒന്നര വർഷവും മറ്റ്​ പ്രതികൾ ഒരു വർഷം വീതവും അധിക തടവ്​ അനുഭവിക്കണം.

2011 ജൂലൈ നാലിനാണ്​ വരാപ്പുഴയിൽ പൂട്ടിയിട്ടിരുന്ന പെൺകുട്ടിയെ കാറിൽ എരൂരിലുള്ള മൂന്നാം പ്രതി സുനിലി​​​െൻറ ഫ്ലാറ്റിൽ എത്തിച്ചത്​. ഇവിടെ വെച്ച്​ മൂന്നാം പ്രതി പെൺകുട്ടിയെ പീഡിപ്പിച്ചെന്നാണ്​ കേസ്​. കാസർകോട്​ ജില്ലയിലെ ഗ്രാമീണ പ്രദേശത്തുനിന്നുള്ള പെൺകുട്ടിയെ ഉന്നതപഠനം തരപ്പെടുത്താമെന്ന്​ വിശ്വസിപ്പിച്ചാണ്​ പ്രതികൾ കൂട്ടിക്കൊണ്ടുവന്നത്​.

തുടർന്ന്​ കേരളത്തിലും ബംഗളൂരുവിലുമടക്കം നിരവധിപേർക്ക്​ കാഴ്​ചവെച്ചു. പണത്തോടുള്ള അത്യാർത്തി മൂലം ഒന്നും രണ്ടും പ്രതികൾ പെൺകുട്ടിയെ വിൽപന വസ്​തുവാക്കി മാറ്റിയെന്നും പണംകൊടുത്ത്​ കുട്ടിയെ വാങ്ങിയ മൂന്നാം പ്രതി ത​​​െൻറ ആഗ്രഹ പൂർത്തീകരണത്തിനുള്ള വസ്​തുവായാണ്​ കുട്ടിയെ കണ്ടതെന്നും കോടതി ചൂണ്ടിക്കാട്ടി.

നിരാലംബയായ ഒരു പെൺകുട്ടിയെയാണ്​ പ്രതികൾ നശിപ്പിച്ചതെന്ന്​ തെളിവുകൾ വ്യക്​തമാക്കുന്നു​. ഇത്തരം കുറ്റകൃത്യങ്ങളിൽ മതിയായ ശിക്ഷ നൽകിയില്ലെങ്കിൽ സമൂഹ മനസ്സാക്ഷിക്ക്​ എതിരാവുമെന്ന്​ നിരീക്ഷിച്ചാണ്​ കോടതി ശിക്ഷ വിധിച്ചത്​. 20ലേ​െറ കേസുകളാണ്​ ഇതുമായി ബന്ധപ്പെട്ട്​ പ്രതികൾക്കെത​ിരെ രജിസ്​റ്റർ ചെയ്​തത്​. മറ്റ്​ കേസുകളിൽ വിചാരണ നടക്കുന്നു​.