തിരുവനന്തപുരം: എം.ടി. വാസുദേവന്‍ നായര്‍ അടക്കമുള്ള എഴുത്തുകാരെയും സാംസ്കാരിക പ്രവര്‍ത്തകരെയും അധിക്ഷേപിക്കുന്ന ബി.ജെ.പി നേതൃത്വത്തിന്‍െറ അസഹിഷ്ണുത കേരളത്തിന് അപമാനമാണെന്ന് ഭരണപരിഷ്കരണ കമീഷന്‍ അധ്യക്ഷന്‍ വി.എസ്. അച്യുതാനന്ദന്‍ പ്രസ്താവിച്ചു.
ഇക്കൂട്ടരെ ഒറ്റപ്പെടുത്താന്‍ പ്രബുദ്ധരായ മലയാളികള്‍ തയാറാവണം. എം.ടിക്കും കമലിനുമെതിരെ അസഹിഷ്ണുതയുടെ വാളോങ്ങിയ സംഘ്പരിവാറിനെതിരെ കേരളത്തിന്‍െറ സാംസ്കാരികമനസ്സ് ഒന്നടങ്കം പ്രതികരിച്ചത് സ്വാഭാവികമാണ്. അതിന്‍െറ പേരില്‍ ലബ്ധപ്രതിഷ്ഠരായ എഴുത്തുകാരും സാംസ്കാരികനായകരും ഉപഹാരങ്ങള്‍ക്ക് പിറകേ പോകുന്നവരാണെന്ന് പറഞ്ഞ് അധിക്ഷേപിക്കുന്നത് ബി.ജെ.പിയുടെ സാംസ്കാരികവിരുദ്ധതയാണ് വെളിവാക്കുന്നതെന്നും അദ്ദേഹം വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.