പാലക്കാട്: തിങ്കളാഴ്ച മുതൽ അഞ്ച് ദീർഘദൂര ട്രെയിനുകൾ ഷൊർണൂർ ജങ്ഷൻ റെയിൽവേ സ്റ്റേഷനിൽ പ്രവേശിക്കില്ല. ദിവസവു ം സർവിസ് നടത്തുന്ന ആലപ്പുഴ-ധൻബാദ് എക്സ്പ്രസ് (13352), തിങ്കൾ, വ്യാഴം ദിവസങ്ങളിൽ സർവിസ് നടത്തുന്ന തിരുവനന്തപുരം-കോർബ സൂപ്പർ ഫാസ്റ്റ് എക്സ്പ്രസ് (22648), ഞായർ, ചൊവ്വ, ബുധൻ ദിവസങ്ങളിൽ സർവിസ് നടത്തുന്ന തിരുവനന്തപുരം-ഗൊരഖ്പുർ രപ്തിസാഗർ സൂപ്പർ ഫാസ്റ്റ് (12512), വെള്ളിയാഴ്ച സർവിസ് നടത്തുന്ന എറണാകുളം-ബറൗണി രപ്തിസാഗർ എക്സ്പ്രസ് (12522), ശനിയാഴ്ചകളിൽ സർവിസ് നടത്തുന്ന തിരുവനന്തപുരം-ഇൻഡോർ പ്രതിവാര എക്സ്പ്രസ് (22646) എന്നിവയാണ് ഏപ്രിൽ മുതൽ ഷൊർണൂരിൽ പ്രവേശിക്കാത്തത്.
ഈ ട്രെയിനുകളുടെ തിരികെയുള്ള സർവിസും ഷൊർണൂരിലെത്തില്ല. ഞായറാഴ്ച ധൻബാദിൽനിന്ന് പുറപ്പെടുന്ന ധൻബാദ്-ആലപ്പുഴ എക്സ്പ്രസ് ചൊവ്വാഴ്ച ഷൊർണൂർ വഴിയാണ് സർവിസ് നടത്തുക. മൂന്നുമുതൽ തൃശൂരിൽനിന്ന് ഷൊർണൂരിൽ പ്രവേശിക്കാതെ ഒറ്റപ്പാലം വഴിയാകും സർവിസ് നടത്തുക.
ആലപ്പുഴ-ധൻബാദ്, ധൻബാദ്-ആലപ്പുഴ എക്സ്പ്രസുകൾക്ക് വടക്കാഞ്ചേരി, ഒറ്റപ്പാലം സ്റ്റേഷനുകളിൽ സ്റ്റോപ്പനുവദിച്ചിട്ടുണ്ട്. മറ്റ് ട്രെയിനുകൾക്ക് തൃശൂർ വിട്ടാൽ പാലക്കാട്ടാണ് സ്റ്റോപ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.