വോട്ടർപട്ടികയിൽ 2.67 കോടി വോട്ടർമാർ; 5.79 ലക്ഷം പുതിയ വോട്ടർമാർ

തിരുവനന്തപുരം: നിയസഭ തെരഞ്ഞെടുപ്പിനുള്ള അന്തിമ വോട്ടർപട്ടിക തയാറാക്കുന്നതിനുള്ള നടപടികൾ പുരോഗമിക്കുകയാണെന്ന്​ തെരഞ്ഞെടുപ്പ്​ കമീഷണർ ടിക്കാറാം മീണ. ഇപ്പോൾ 2.67 കോടി വോട്ടർമാരാണുള്ളത്​. 5.79 ലക്ഷം കന്നി വോട്ടർമാരുണ്ട്​.

അന്തിമ വോട്ടർപട്ടിക തയാറാക്കുന്നതിന്‍റെ ഭാഗമായി ഒരു ലക്ഷത്തിലേറെ പേരെ ഒഴിവാക്കിയിട്ടുണ്ട്​. വോട്ടർപട്ടികയിൽ പേരുണ്ടോ എന്ന്​ വോട്ടർമാർക്ക്​ പരിശോധിക്കാനുള്ള സംവിധാനം വെബ്​സൈറ്റിൽ ഒരുക്കിയിട്ടുണ്ടെന്നും അദ്ദേഹം പറഞ്ഞു. ​വോട്ടർപട്ടികയിൽ ഇനിയും പേര്​ ചേർക്കാനാകും.

വോട്ടർമാരിൽ കൂടുതൽ സ്​ത്രീകളാണ്​. കൂടുതൽ വോട്ടർമാരുള്ളത്​ മലപ്പുറത്തും കുറവ്​ വോട്ടർമാർ ​ വയനാട്ടിലുമാണ്​. 221 ട്രാൻസ്​ ജെൻഡറുകൾ വോട്ടർപട്ടികയിലുണ്ടെന്നും ടിക്കാറാം മീണ പറഞ്ഞു.