സൗത്ത് ഇന്ത്യൻ ബാങ്ക് എം.ഡി. വി.ജി. മാത്യുവിനെ മന്ത്രി വി.എസ്. സുനിൽ കുമാർ ആദരിക്കുന്നു. മന്ത്രി എ.സി. മൊയ്തീൻ, തൃശൂർ മേയർ അജിത ജയരാജൻ എന്നിവർ സമീപം
തൃശൂർ: സൗത്ത് ഇന്ത്യൻ ബാങ്കിന്‍റെ സഹകരണത്തോടെ തൃശൂർ കോർപറേഷൻ അത്യാധുനിക രീതിയിൽ സജ്ജീകരിച്ച തൃശൂർ വടക്കേ ബസ് സ്റ്റാന്‍റും ദിവാൻജി മേൽപാലവും നാടിന് സമർപ്പിച്ചു. രണ്ട് പദ്ധതികളുടെയും ഉദ്ഘാടനം മുഖ്യമന്ത്രി പിണറായി വിജയൻ ഓൺലൈനിലൂടെ നിർവഹിച്ചു.
മേയർ അജിത ജയരാജൻ അധ്യക്ഷത വഹിച്ച ചടങ്ങിൽ സൗത്ത് ബാങ്ക് എം.ഡി വി.ജി. മാത്യുവിൽ നിന്ന് പണി പൂർത്തിയാക്കിയ ബസ് സ്റ്റാൻറിന്‍റെ രേഖ മന്ത്രി എ.സി. മൊയ്തീൻ ഏറ്റുവാങ്ങി. ബാങ്ക് എം.ഡിയെ മന്ത്രി വി.എസ്. സുനിൽകുമാർ ആദരിച്ചു.
മന്ത്രി സി. രവീന്ദ്രനാഥ് ഓൺലൈനിലൂടെ പങ്കെടുത്തു. ജില്ല പഞ്ചായത്ത് പ്രസിഡൻറ് മേരി തോമസ്, ഡി.ഐ.ജി എസ്. സുരേന്ദ്രൻ, കലക്ടർ എസ്. ഷാനവാസ് എന്നിവരും പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.