യോഗാ കേന്ദ്രത്തിൽ നിന്ന് രക്ഷപ്പെട്ട യുവതി പൊലീസിൽ അഭയം തേടി VIDEO

മ​ല​പ്പു​റം: ആ​ർ.​എ​സ്.​എ​സ് ഭീ​ഷ​ണി​യി​ൽ​നി​ന്ന് ര​ക്ഷതേ​ടി തൃ​പ്പൂ​ണി​ത്തു​റ യോ​ഗ കേ​ന്ദ്ര​ത്തി​ൽ​നി​ന്ന് ര​ക്ഷ​പ്പെ​ട്ട യു​വ​തി മ​ല​പ്പു​റം എ​സ്.​പി ഓ​ഫി​സി​ൽ അ​ഭ​യം​തേ​ടി. ഐ​ക്ക​ര​പ്പ​ടി ക​ണ്ണം​വെ​ട്ടി​ക്കാ​വ് സ്വ​ദേ​ശി​നി​യാ​ണ് വ്യാ​ഴാ​ഴ്ച വൈ​കീ​ട്ട്​ അ​ഞ്ച​ര​യോ​ടെ എ​സ്.​പി ഓ​ഫി​സി​ലെ​ത്തി​യ​ത്. പേ​ങ്ങാ​ട് സ്വ​ദേ​ശി​യാ​യ യു​വാ​വു​മാ​യി പ്ര​ണ​യ​ത്തി​ലാ​ണെ​ന്നും വി​വാ​ഹം ക​ഴി​ക്കാ​ൻ തീ​രു​മാ​നി​ച്ച​താ​യും എ​സ്.​പി​ക്ക് ന​ൽ​കി​യ മൂ​ന്നു​പേ​ജ്​ പ​രാ​തി​യി​ൽ പ​റ​യു​ന്നു. 

പ്ല​സ് ടു ​പ​ഠ​ന​കാ​ല​ത്തു​ത​ന്നെ ത​ങ്ങ​ൾ പ്ര​ണ​യ​ത്തി​ലാ​യി​രു​ന്നു. ബ​ന്ധു​ക്ക​ളും ആ​ർ.​എ​സ്.​എ​സ് പ്ര​വ​ർ​ത്ത​ക​രും യു​വാ​വി​െൻറ വീ​ട്ടി​ലെ​ത്തി ഭീ​ഷ​ണി​പ്പെ​ടു​ത്തി​യി​രു​ന്നു. ബി​രു​ദ പ​ഠ​ന കാ​ല​ത്ത് ഒ​ന്നി​ച്ച് ജീ​വി​ക്കാ​ൻ തീ​രു​മാ​നി​ച്ചു. യു​വാ​വും പി​താ​വും നി​രീ​ശ്വ​ര​വാ​ദി​ക​ളാ​ണെ​ന്നും പ​രാ​തി​യി​ലുണ്ട്. താ​ൻ മ​ത​വി​ശ്വാ​സി​യാ​യി​രു​ന്നെ​ങ്കി​ലും യു​വാ​വി​ന് ഇ​ഷ്​​ട​മ​ല്ലെ​ന്ന് ക​ണ്ട് വി​ശ്വാ​സം ഉ​പേ​ക്ഷി​ച്ചു. 

പ്ര​ണ​യ​ത്തി​ൽ​നി​ന്ന് പി​ന്തി​രി​യാ​ത്ത​ത് കാ​ര​ണം അ​ച്ഛ​ൻ ആ​ത്മ​ഹ​ത്യ​ക്ക് ശ്ര​മി​ച്ച് ഗു​രു​ത​രാ​വ​സ്ഥ​യി​ലാ​ണെ​ന്നും അ​മ്മാ​വ‍​െൻറ വീ​ട്ടി​ലെ​ത്ത​ണ​മെ​ന്നും തെ​റ്റി​ദ്ധ​രി​പ്പി​ച്ച് കാ​റി​ൽ ക​യ​റ്റി തൃ​പ്പൂ​ണി​ത്തു​റ​യി​ലെ ശി​വ​ശ​ക്തി യോ​ഗ കേ​ന്ദ്ര​ത്തി​ലെ​ത്തി​ക്കു​ക​യാ​യി​രു​ന്നു. യോ​ഗ കേ​ന്ദ്ര​ത്തി​ൽ സ്വ​ന്തം ഇ​ഷ്​​ട​പ്ര​കാ​ര​മാ​ണ് എ​ത്തി​യ​തെ​ന്ന് എ​ഴു​തി സ​മ്മ​ത​പ​ത്ര​ത്തി​ൽ ഒ​പ്പി​ടാ​ൻ പ​റ​ഞ്ഞു. വി​സ​മ്മ​തി​ച്ച​പ്പോ​ൾ തി​രു​വ​ന​ന്ത​പു​ര​ത്തെ കേ​ന്ദ്ര​ത്തി​ലേ​ക്ക് മാ​റ്റി മ​ർ​ദി​ക്കു​മെ​ന്ന്​ ഭീ​ഷ​ണി​പ്പെ​ടു​ത്തി.

കേ​ന്ദ്ര​ത്തി​ൽ​നി​ന്ന് നേ​ര​ത്തേ ര​ക്ഷ​പ്പെ​ട്ട​വ​രെ​ക്കു​റി​ച്ച്​ പ​രാ​തി​യി​ൽ സൂ​ചി​പ്പി​ച്ചി​ട്ടു​ണ്ട്. എ​തി​ർ​ത്താ​ൽ ര​ക്ഷ​പ്പെ​ടാ​ൻ ക​ഴി​യി​ല്ലെ​ന്ന് തോ​ന്നി​യ​തി​നാ​ൽ സ​ഹ​ക​ര​ണം ന​ടി​ക്കു​ക​യാ​യി​രു​ന്നു. പി​ന്നീ​ട് വി​വാ​ദ​ങ്ങ​ളു​ണ്ടാ​യ​പ്പോ​ൾ താ​ൻ ഉ​ൾ​പ്പെ​ടെ​യു​ള്ള​വ​രെ വീ​ട്ടി​ലേ​ക്ക് പ​റ​ഞ്ഞ​യ​ച്ചു. പു​തി​യ കേ​ന്ദ്ര​ത്തി​ലാ​ക്കു​മെ​ന്ന് അ​മ്മ​യി​ൽ നി​ന്ന​റി​ഞ്ഞ​പ്പോ​ൾ ഫോ​ണി​ൽ​നി​ന്ന് യു​വാ​വി​നെ വി​ളി​ച്ച് ര​ക്ഷ​പ്പെ​ട്ടു. ഇ​നി വീ​ട്ടി​ലേ​ക്ക് തി​രി​ച്ചു​പോ​കാ​നാ​കി​ല്ല. യു​വാ​വി​നൊ​പ്പം ജീ​വി​ച്ചാ​ൽ മ​തി. 

പ്ര​ണ​യ​ത്തി​ൽ തു​ട​ക്കം മു​ത​ൽ ആ​ർ.​എ​സ്.​എ​സ് പ്ര​വ​ർ​ത്ത​ക​ർ ഇ​ട​പെ​ട്ടി​രു​ന്നു. അ​ഞ്ച് മാ​സം തൃ​പ്പൂ​ണി​ത്തു​റ​യി​ലെ കേ​ന്ദ്ര​ത്തി​ൽ ത​ട​വി​ലി​ട്ട​തും ഇ​തി​െൻറ ഭാ​ഗ​മാ​ണ്. ആ​ർ.​എ​സ്.​എ​സ് പ്ര​വ​ർ​ത്ത​ക​ർ എ​ല്ലാ​യി​ട​ത്തും ഉ​ണ്ടെ​ന്നും അ​വ​ർ യു​വാ​വി​നെ കൊ​ല്ലു​മെ​ന്നും ഭീ​ഷ​ണി​യു​ണ്ടാ​യി​രു​ന്നു. ഇ​ക്കാ​ര്യം ക​ണ​ക്കി​ലെ​ടു​ത്ത് ഇ​രു​വ​ർ​ക്കും സം​ര​ക്ഷ​ണം ന​ൽ​ക​ണ​മെ​ന്ന് അ​പേ​ക്ഷി​ച്ചാ​ണ് പ​രാ​തി അ​വ​സാ​നി​പ്പി​ച്ചി​രി​ക്കു​ന്ന​ത്. സ്പെ​ഷ​ൽ മാ​രേ​ജ് ആ​ക്ട്​ പ്ര​കാ​രം പെ​ൺ​കു​ട്ടി​യും യു​വാ​വും വി​വാ​ഹം ര​ജി​സ്​​റ്റ​ർ ചെ​യ്യാ​ൻ അ​പേ​ക്ഷ ന​ൽ​കി​യി​ട്ടു​ണ്ട്. പ​രാ​തി തു​ട​ർ​ന​ട​പ​ടി​ക്കാ​യി കൊ​ണ്ടോ​ട്ടി സി.​ഐ​ക്ക് കൈ​മാ​റു​മെ​ന്ന് എ​സ്.​പി ഒാ​ഫി​സ്​ അ​റി​യി​ച്ചു.