മ​ർ​ദി​ച്ച്​ ന​ഗ്​​ന​ചി​ത്ര​ങ്ങ​ളെ​ടു​ത്ത് പ​ണ​വും തട്ടുന്ന സംഘം വലയിൽ

കാ​ക്ക​നാ​ട് (കൊ​ച്ചി): ഹ​ണി ട്രാ​പ് മാ​തൃ​ക​യി​ൽ പ​ണ​വും മൊ​ബൈ​ലും ത​ട്ടു​ന്ന സം​ഘം പി​ടി​യി​ൽ. എ​ള​ങ്കു​ന്ന​പ്പു​ഴ പു​തു​വൈ​പ്പ് ഭ​ജ​ന​മ​ഠം ക്ഷേ​ത്ര​ത്തി​ന് സ​മീ​പം പു​തി​യ​നി​ക​ത്തി​ൽ അ​ജി​ത് (21), തോ​പ്പും​പ​ടി വീ​ലു​മ്മേ​ൽ തീ​ത്ത​പ്പ​റ​മ്പി​ൽ നി​ഷാ​ദ് (21), ഫോ​ർ​ട്ട്കൊ​ച്ചി സ്വ​ദേ​ശി​നി ന​സ്നി (23), കോ​ഴി​ക്കോ​ട് കൊ​ടു​വ​ള്ളി യൂ​നി​റ്റാ​സ് സ്​​റ്റേ​ഡി​യ​ത്തി​ന് സ​മീ​പം കാ​ഞ്ഞി​രാ​ട്ട് കു​ന്നു​മ്മേ​ൽ സാ​ജി​ദ് (25) എ​ന്നി​വ​രെ​യാ​ണ് തൃ​ക്കാ​ക്ക​ര പൊ​ലീ​സും തൃ​ക്കാ​ക്ക​ര എ.​സി.​പി​യു​ടെ പ്ര​ത്യേ​ക സം​ഘ​വും ചേ​ർ​ന്ന് അ​റ​സ്​​റ്റ്​ ചെ​യ്​​ത​ത്.

പ​ച്ചാ​ളം സ്വ​ദേ​ശി​യാ​യ വ്യാ​പാ​രി ന​ൽ​കി​യ പ​രാ​തി​യി​ൽ എ​റ​ണാ​കു​ളം, കോ​ഴി​ക്കോ​ട് ജി​ല്ല​ക​ളി​ൽ​നി​ന്നാ​ണ് ഇ​വ​രെ പി​ടി​കൂ​ടി​യ​ത്. സ്ത്രീ​ക​ളെ ഉ​പ​യോ​ഗി​ച്ച് വ്യാ​പാ​രി​ക​ളു​മാ​യി സൗ​ഹൃ​ദം സ്ഥാ​പി​ച്ച് അ​വ​ർ താ​മ​സി​ക്കു​ന്ന മു​റി​യി​ൽ എ​ത്തി​ച്ചാ​യി​രു​ന്നു ത​ട്ടി​പ്പ്. മ​ർ​ദി​ച്ച്​ ന​ഗ്​​ന​ചി​ത്ര​ങ്ങ​ളെ​ടു​ത്ത് ഭീ​ഷ​ണി​പ്പെ​ടു​ത്തി പ​ണ​വും പ​ഴ്സും മൊ​ബൈ​ലും ക​വ​ർ​ച്ച​ചെ​യ്യും. എ.​ടി.​എം കൗ​ണ്ട​റി​ലെ​ത്തി​ച്ച്​്​ ബാ​ങ്ക് അ​ക്കൗ​ണ്ടി​ലെ പ​ണ​വും അ​പ​ഹ​രി​ച്ചി​രു​ന്നു.

സം​സ്ഥാ​ന​ത്ത്​ പ​ല​യി​ട​ത്തും ക​വ​ർ​ച്ച ന​ട​ത്തി​യ​താ​യാ​ണ് വി​വ​രം. സാ​ജി​ദ് താ​മ​ര​ശ്ശേ​രി​യി​ൽ പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യെ പീ​ഡി​പ്പി​ച്ച കേ​സി​ലും അ​ജി​ത് എ​റ​ണാ​കു​ള​ത്ത് പി​ടി​ച്ചു​പ​റി കേ​സി​ലും ജാ​മ്യ​ത്തി​ലാ​ണ്.