പനിക്ക് ചികിത്സതേടിയ ബാലികക്ക്​ പേ വിഷബാധ കുത്തിവെപ്പ്​ നൽകി

അ​ങ്ക​മാ​ലി: താ​ലൂ​ക്കാ​ശു​പ​ത്രി​യി​ൽ പ​നി ബാ​ധി​ച്ച​തി​നെ​ത്തു​ട​ർ​ന്ന് ര​ക്ത പ​രി​ശോ​ധ​ന​ക്കെ​ത്തി​യ ഏ​ഴു വ​യ​സ്സു​കാ​രി​ക്ക് പേ ​വി​ഷ​ബാ​ധ​ക്കു​ള്ള കു​ത്തി​വെ​പ്പ്​ ന​ൽ​കി​യ​താ​യി പ​രാ​തി. അ​ന്വേ​ഷി​ച്ച് ക​ര്‍ശ​ന ന​ട​പ​ടി സ്വീ​ക​രി​ക്കാ​ന്‍ മ​ന്ത്രി വീ​ണ ജോ​ര്‍ജ് ആ​രോ​ഗ്യ​വ​കു​പ്പ് ഡ​യ​റ​ക്ട​ര്‍ക്ക് നി​ര്‍ദേ​ശം ന​ല്‍കി. അ​ങ്ക​മാ​ലി ന​ഗ​ര​സ​ഭ മൂ​ന്നാം വാ​ർ​ഡി​ലെ കോ​ത​കു​ള​ങ്ങ​ര​യി​ൽ താ​മ​സി​ക്കു​ന്ന കു​ട്ടി​ക്കാ​ണ് താ​ലൂ​ക്കാ​ശു​പ​ത്രി​യി​ൽ​നി​ന്ന് ദു​ര​നു​ഭ​വ​മു​ണ്ടാ​യ​ത്. വെ​ള്ളി​യാ​ഴ്ച​യാ​ണ്​ സം​ഭ​വം. പൂ​ച്ച ക​ടി​ച്ച​തി​ന്​ മ​റ്റൊ​രു കു​ട്ടി​ക്ക്​ ന​ൽ​കേ​ണ്ട കു​ത്തി​വെ​പ്പാ​ണ്​ ബാ​ലി​ക​ക്ക്​ ന​ൽ​കി​യ​തെ​ന്നാ​ണ്​ അ​റി​യു​ന്ന​ത്.

പ​നി​ക്ക്​ ചി​കി​ത്സ തേ​ടി ബു​ധ​നാ​ഴ്ച ആ​ശു​പ​ത്രി​യി​ലെ​ത്തി ഡോ​ക്ട​റെ ക​ണ്ടി​രു​ന്നു. ര​ണ്ട് ദി​വ​സ​മാ​യി​ട്ടും പ​നി ഭേ​ദ​മാ​കാ​തെ വ​ന്ന​തോ​ടെ വെ​ള്ളി​യാ​ഴ്ച വീ​ണ്ടും അ​മ്മ​യോ​ടൊ​പ്പം കു​ട്ടി ആ​ശു​പ​ത്രി​യി​ലെ​ത്തി. ര​ക്തം പ​രി​ശോ​ധി​ക്കാ​ൻ ഡോ​ക്ട​ർ നി​ർ​ദേ​ശി​ച്ചു. ലാ​ബി​ലെ​ത്തി​യ​പ്പോ​ൾ സൗ​ജ​ന്യ ര​ക്ത​പ​രി​ശോ​ധ​ന​ക്ക്​ ഓ​ഫി​സി​ൽ​നി​ന്ന് എ​ഴു​തി വാ​ങ്ങാ​ൻ നി​ർ​ദേ​ശി​ച്ച​ത്രെ. കു​ട്ടി​യെ ലാ​ബി​ൽ ഇ​രു​ത്തി അ​മ്മ ഓ​ഫി​സി​ൽ പോ​യി. ഈ ​സ​മ​യം കു​ട്ടി​യു​ടെ സ​മീ​പ​ത്തെ​ത്തി​യ ഡ്യൂ​ട്ടി​ന​ഴ്സ് ‘പൂ​ച്ച മാ​ന്തി​യ​താ​ണോ’ എ​ന്ന് ചോ​ദി​ച്ചു. അ​തെ എ​ന്ന്​ മ​റു​പ​ടി പ​റ​ഞ്ഞ​തോ​ടെ ഇ​രു കൈ​ക​ളി​ലും പേ ​വി​ഷ​ബാ​ധ​ക്കു​ള്ള കു​ത്തി​വെ​പ്പ്​ ന​ൽ​കി. അ​മ്മ വ​ന്ന​പ്പോ​ൾ കു​ത്തി​വെ​ച്ച വി​വ​രം കു​ട്ടി പ​റ​ഞ്ഞ​തോ​ടെ​യാ​ണ് സം​ഭ​വം പു​റ​ത്താ​യ​ത്. ഭീ​തി​യി​ലാ​യ അ​മ്മ​യോ​ടും കു​ട്ടി​യോ​ടും ന​ഴ്സ് ക്ഷ​മ ചോ​ദി​ക്കു​ക​യും കു​ട്ടി​ക​ളു​ടെ ഡോ​ക്ട​ർ ഇ​രു​വ​രെ​യും വി​ളി​ച്ച് വ​രു​ത്തി പ്ര​ശ്ന സ​ങ്കീ​ർ​ണ​ത ല​ഘൂ​ക​രി​ച്ച് പ​റ​ഞ്ഞ് വി​ടു​ക​യും ചെ​യ്തു. പ​നി മാ​റാ​തെ വ​ന്ന​തോ​ടെ കു​ടും​ബം ഭീ​തി​യി​ലാ​യി​രി​ക്കു​ക​യാ​ണ്.