എസ്.എസ്.എല്.സി തുല്യത പരീക്ഷയില് എ പ്ലസ് കിട്ടിയ സി.വി. സാറാക്കുട്ടിയെ ജില്ല പഞ്ചായത്ത് പ്രസിഡന്റ് സംഷാദ് മരക്കാര് ആദരിക്കുന്നു
കൽപറ്റ: സംസ്ഥാന സാക്ഷരത മിഷന് അതോറിറ്റി പൊതുവിദ്യാഭ്യാസ വകുപ്പിന്റെ സഹകരണത്തോടെ നടത്തുന്ന പത്താം തരം തുല്യത കോഴ്സിന്റെ പതിനാറാം ബാച്ചില് ജില്ലക്ക് 92.5 ശതമാനം വിജയം.
കോളേരി, തരിയോട്, അച്ചൂര്, മേപ്പാടി എന്നീ സമ്പര്ക്ക പഠനകേന്ദ്രങ്ങള് 100 ശതമാനം വിജയം നേടി.
ജില്ലയില് നിന്ന് മികച്ച വിജയം നേടിയ സി.വി. സാറാക്കുട്ടി, വി.കെ. സുലോചന, പി.ടി. സഫിയ, കെ.എസ്. പ്രതിഭ, പി.സി. ബിന്ദു, സെന്റര് കോഓഡിനേറ്റര്മാരായ പി. രൂഗ്മിണി, കെ. സൈന എന്നിവരെ ജില്ല പഞ്ചായത്ത് പ്രസിഡന്റ് സംഷാദ് മരക്കാര് ആദരിച്ചു. ജില്ല പഞ്ചായത്ത് ക്ഷേമകാര്യ സമിതി ചെയര്മാന് ജുനൈദ് കൈപ്പാണി അധ്യക്ഷത വഹിച്ചു.
ജില്ല പഞ്ചായത്ത് സെക്രട്ടറി കെ. പ്രദീപന്, ജില്ല ഇന്ഫര്മേഷന് ഓഫിസര് പി. റഷീദ് ബാബു, സാക്ഷരത മിഷന് ജില്ല കോഓഡിനേറ്റര് പി.വി. ശാസ്തപ്രസാദ്, സ്റ്റാഫ് പി.വി. ജാഫര്, നോഡല് പ്രേരക് എ. മുരളീധരന്, പ്രേരക് വി.കെ. ബബിത മോള് എന്നിവര് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.