തൃശൂരിലെ യഥാർഥ പ്രജാദൈവങ്ങൾക്ക് വണക്കം -സുരേഷ് ഗോപി

തൃശൂർ: കേരളത്തി​ൽ ആദ്യമായി താമര വിരിയിച്ച​തിന്റെ എല്ലാ ക്രെഡിറ്റും ജനങ്ങൾക്ക് നൽകി തൃശൂരിലെ എൻ.ഡി.എ സ്ഥാനാർഥി സുരേഷ് ഗോപി.

''നടന്ന കാര്യങ്ങളുടെ സത്യം തൃശൂരിലെ ജനങ്ങൾ തിരിച്ചറിഞ്ഞു. അവരെ ഞാൻ പ്രജാദൈവങ്ങൾ എന്നാണ് വിളിക്കുന്നത്. വഴിതെറ്റിക്കാൻ നോക്കിയപ്പോ​ഴൊക്കെ ദൈവങ്ങൾ അവരുടെ മനസ് ശുദ്ധമാക്കി എന്നിലൂടെ എന്റെ രാഷ്ട്രീയ കക്ഷിയി​ലേക്ക് തിരിച്ചുവിട്ടു. അവർ കനിഞ്ഞു നൽകിയ അനുഗ്രമാണിത്. തൃശൂരിലെ യഥാർഥ മതേതര പ്രജാദൈവങ്ങളെ വണങ്ങുന്നു. അവർ മൂലം മാത്രമാണിത് സാധ്യമായത്.''-സുരേഷ് ഗോപി പറഞ്ഞു. കഴിഞ്ഞ അഞ്ചുവർഷമായി താൻ ആവശ്യപ്പെട്ടതിന്റെ അഞ്ചിരട്ടി തിരിച്ചുനൽകിയ തൃശൂരിലെ പ്രവർത്തകർക്കും സുരേഷ് ഗോപി നന്ദി പറഞ്ഞു.