പ്രിയ സഖാവിന് പതിനായിരങ്ങളുടെ അകമ്പടിയോടെ അന്ത്യയാത്ര

കണ്ണൂർ: അന്തരിച്ച മുതിർന്ന സി.പി.എം നേതാവും പൊളിറ്റ്ബ്യൂറോ അംഗവുമായ കോടിയേരി ബാലകൃഷ്ണന് പതിനായിരങ്ങളുടെ അകമ്പടിയോടെ അന്ത്യയാത്ര. കണ്ണൂർ സി.പി.എം ജില്ല കമ്മിറ്റി ഓഫിസിൽ പൊതുദർശനത്തിന് ശേഷം സംസ്കാര സ്ഥലമായ കണ്ണൂർ പയ്യാമ്പലത്തേക്ക് മൃതദേഹം വഹിച്ചുള്ള വിലാപയാത്ര രണ്ട് മണിക്ക് ആരംഭിച്ചു. മൂന്ന് മണിക്ക് ശേഷമാണ് സംസ്കാരം നടക്കുക. പ​യ്യാ​മ്പ​ലം ക​ട​പ്പു​റ​ത്ത്​ രാ​ഷ്ട്രീ​യ​ഗു​രു ഇ.​കെ. നാ​യ​നാ​ർ, പാ​ർ​ട്ടി മു​ൻ സെ​ക്ര​ട്ട​റി ച​ട​യ​ൻ ഗോ​വി​ന്ദ​ൻ എ​ന്നി​വ​രു​ടെ സ്മൃ​തി​കു​ടീ​ര​ത്തി​ന്​ സ​മീ​പ​ത്താ​യാ​ണ്​ കോ​ടി​യേ​രി​ക്ക് ചി​ത​യൊ​രു​ക്കു​ന്ന​ത്. അ​തി​നു​ള്ള മു​ന്നൊ​രു​ക്ക​ങ്ങ​ൾ പാ​ർ​ട്ടി പ്ര​വ​ർ​ത്ത​ക​രു​ടെ നേ​തൃ​ത്വ​ത്തി​ൽ പൂ​ർ​ത്തി​യാ​യി.

 പ്രിയ സഖാവിനെ അവസാനമായി കാണാൻ ജില്ല കമ്മിറ്റി ഓഫിസിൽ ആയിരങ്ങളാണെത്തിയത്. സി.പി.എം ജനറൽ സെക്രട്ടറി സീതാറാം യെച്ചൂരി, പി.ബി അംഗം പ്രകാശ് കാരാട്ട്, സംസ്ഥാന സെക്രട്ടറി എം.വി. ഗോവിന്ദൻ തുടങ്ങിയവർ അന്ത്യാഭിവാദ്യമർപ്പിച്ചു.

വസതിയിലെ പൊതുദർശനത്തിന് ശേഷമാണ് വിലാപയാത്രയായി ജില്ല കമ്മിറ്റി ഓഫിസിലേക്ക് കൊണ്ടുവന്നത്. പാതയിലുടനീളം നൂറുകണക്കിനാളുകൾ മുദ്രാവാക്യം വിളികളുമായി അന്ത്യാഭിവാദ്യമർപ്പിക്കാനായി കാത്തുനിന്നിരുന്നു. 

ഇന്നലെ രാത്രി 10 വരെ തലശ്ശേരി ടൗൺഹാളിൽ മൃതദേഹം പൊതുദർശനത്തിന് വെച്ചപ്പോൾ ജനപ്രവാഹമായിരുന്നു. വിവിധ രാഷ്ട്രീയ കക്ഷി നേതാക്കളും പ്രമുഖ വ്യക്തികളും പാർട്ടി പ്രവർത്തകരും സാധാരണക്കാരുമെല്ലാം കേരള രാഷ്ട്രീയത്തിലെ അതികായനായിരുന്ന നേതാവിന് ആദരാഞ്ജലികളർപ്പിക്കാനെത്തി.

(മുഖ്യമന്ത്രി പിണറായി വിജയൻ, എസ്. രാമചന്ദ്രൻ പിള്ള, എം.എ. ബേബി തുടങ്ങിയവർ കോടിയേരിയുടെ വീട്ടിൽ കുടുംബാംഗങ്ങൾക്കൊപ്പം)

രാത്രി 11ഓടെ തലശ്ശേരി മാടപ്പീടികയിലെ വീട്ടിലേക്ക് മൃതദേഹം എത്തിക്കുമ്പോഴേക്കും മുഖ്യമന്ത്രി പിണറായി വിജയൻ ഉൾപ്പെടെയുള്ള സി.പി.എം നേതാക്കളും വീട്ടിലെത്തിയിരുന്നു. അർധരാത്രി കഴിഞ്ഞും ആളുകൾ കോടിയേരിയുടെ ഭൗതികദേഹത്തിൽ അന്ത്യാഭിവാദ്യമർപ്പിക്കാനായി വീട്ടിലേക്കെത്തി.

സി.പി.എം ജില്ല കമ്മിറ്റി ഓഫിസിൽ പൊതുദർശനത്തിന് ശേഷം വൈകീട്ട് മൂന്നോടെ സംസ്കാരത്തിനായി പയ്യാമ്പലത്തേക്ക് കൊണ്ടുപോകും. സ്ഥ​ല​പ​രി​മി​തി ക​ണ​ക്കി​ലെ​ടു​ത്ത്​ പാ​ർ​ട്ടി നേ​താ​ക്ക​ൾ​ക്കും അ​ടു​ത്ത ബ​ന്ധു​ക്ക​ൾ​ക്കും മാ​ത്ര​മാ​ണ്​ സം​സ്കാ​ര ച​ട​ങ്ങ്​ ന​ട​ക്കു​ന്ന തീ​ര​ത്തേ​ക്ക്​ പ്ര​വേ​ശ​നം അ​നു​വ​ദി​ക്കു​ക​യു​ള്ളൂ. ബാ​ക്കി​യു​ള്ള​വ​ർ​ക്ക്​ ദൂ​രെ​നി​ന്ന്​ ച​ട​ങ്ങ് കാ​ണാ​ൻ സം​വി​ധാ​ന​​മൊ​രു​ക്കും.