‘ഇസ്ലാം, ഇസ്ലാമിക രാഷ്ട്രീയം; സയ്യിദ് മൗദൂദിയെ വായിക്കുമ്പോൾ' ചർച്ച സംഗമം ജമാഅത്തെ ഇസ്ലാമി അസി. അമീർ വി.ടി. അബ്ദുല്ലക്കോയ തങ്ങൾ ഉദ്ഘാടനം ചെയ്യുന്നു
കോഴിക്കോട്: അബുൽ അഅ്ലാ മൗദൂദിയെ പൈശാചികവത്കരിക്കുന്ന വംശീയ പ്രചാരണങ്ങൾ രാഷ്ട്രീയപ്രേരിതമാണെന്നും അദ്ദേഹത്തിന്റെ ധൈഷണിക ജീവിതത്തെ മുൻവിധികളില്ലാതെ സമീപിക്കാൻ പൊതുസമൂഹം തയാറാവണമെന്നും ജമാഅത്തെ ഇസ്ലാമി അസി. അമീർ വി.ടി. അബ്ദുല്ലക്കോയ തങ്ങൾ പറഞ്ഞു.
എസ്.ഐ.ഒ കേരള സംഘടിപ്പിച്ച ‘ഇസ്ലാം, ഇസ്ലാമിക രാഷ്ട്രീയം; സയ്യിദ് മൗദൂദിയെ വായിക്കുമ്പോൾ’ ചർച്ച സംഗമം കോഴിക്കോട് ടൗൺഹാളിൽ ഉദ്ഘാടനം ചെയ്യുകയായിരുന്നു അദ്ദേഹം. എസ്.ഐ.ഒ സംസ്ഥാന പ്രസിഡന്റ് അഡ്വ. അബ്ദുൽ വാഹിദ് അധ്യക്ഷത വഹിച്ചു.
എഴുത്തുകാരൻ കെ.കെ. ബാബുരാജ്, ഐ.പി.എച്ച് അസി. ഡയറക്ടർ കെ.ടി. ഹുസൈൻ, ഷിയാസ് പെരുമാതുറ, ശിഹാബുദ്ദീൻ ഇബ്നു ഹംസ തുടങ്ങിയവർ പങ്കെടുത്തു. എസ്.ഐ.ഒ ജന. സെക്രട്ടറി സഹൽ ബാസ് സമാപന പ്രഭാഷണം നിർവഹിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.