തരൂർ തേടുന്നതെന്ത്​...? മുഖ്യമന്ത്രി പദവിയടക്കം ലക്ഷ്യങ്ങൾ പലത്​

തി​രു​വ​ന​ന്ത​പു​രം: കോ​ൺ​ഗ്ര​സ്​ നേ​തൃ​ത്വ​ത്തെ ആ​വ​ർ​ത്തി​ച്ച്​ വെ​ല്ലു​വി​ളി​ക്കു​ന്ന ശ​ശി ത​രൂ​ർ എം.​പി​യു​ടെ മ​ന​സ്സി​ൽ എ​ന്താ​ണ്...? ത​രൂ​രി​ന്‍റെ ല​ക്ഷ്യം ​ചെ​റു​ത​ല്ല. മു​ഖ്യ​മ​ന്ത്രി സ്ഥാ​നാ​ർ​ഥി​ത്വം ഉ​ൾ​പ്പെ​ടെ​യു​ള്ള മോ​ഹ​ങ്ങ​ൾ വി​വാ​ദ അ​ഭി​മു​ഖ​ത്തി​ൽ ത​രൂ​ർ പ​റ​യാ​തെ പ​റ​യു​ന്നു​ണ്ട്. ഭ​ര​ണം പി​ടി​ക്കാ​ൻ പാ​ർ​ട്ടി​ക്ക്​ പു​റ​ത്തു​ള്ള വോ​ട്ട്​ കി​ട്ട​ണ​മെ​ന്നും ത​നി​ക്ക്​ പാ​ർ​ട്ടി​ക്ക്​ അ​തീ​ത​മാ​യ പി​ന്തു​ണ​യു​ണ്ടെ​ന്നും അ​വ​കാ​ശ​പ്പെ​ടു​ന്ന ത​രൂ​ർ മു​ഖ്യ​മ​ന്ത്രി സ്ഥാ​നാ​ർ​ഥി​ത്വ​ത്തി​നാ​യി വി.​ഡി. സ​തീ​ശ​നും ര​മേ​ശ്​ ചെ​ന്നി​ത്ത​ല​ക്കു​മി​ട​യി​ലെ വ​ടം​വ​ലി​യി​ൽ ത​ന്‍റെ പേ​രും കൂ​ട്ടി​ച്ചേ​ർ​ക്കു​ക​യാ​ണ്.

എ​ളു​പ്പ​ത്തി​ൽ കി​ട്ടാ​നി​ട​യി​ല്ലാ​ത്ത മു​ഖ്യ​മ​ന്ത്രി പ​ദ​വി പോ​ലെ വ​ലി​യ കാ​ര്യ​ങ്ങ​ൾ പ​റ​ഞ്ഞ്​ ക​ല​ഹി​ക്കാ​ൻ മാ​ത്രം ബു​ദ്ധി​മോ​ശം ത​രൂ​ർ കാ​ണി​ക്കു​മോ​യെ​ന്ന ചോ​ദ്യം പാ​ർ​ട്ടി​യി​ലും പു​റ​ത്തു​മു​ണ്ട്. ത​രൂ​ർ പാ​ർ​ട്ടി മാ​റ്റ​ത്തി​ന്​ അ​ര​ങ്ങൊ​രു​ക്കു​ന്നു​വെ​ന്ന അ​ഭ്യൂ​ഹ​ത്തി​ന്‍റെ അ​ടി​ത്ത​റ ആ ​ചോ​ദ്യ​മാ​ണ്. എ​ന്നാ​ൽ, കോ​ൺ​ഗ്ര​സ്​ നേ​തൃ​ത്വ​ത്തെ മു​ൾ​മു​ന​യി​ൽ നി​ർ​ത്തി​യ ത​രൂ​ർ ഇ​തു​വ​​രെ പാ​ർ​ട്ടി മാ​റ്റ​ത്തി​ന്‍റെ സൂ​ച​ന ന​ൽ​കി​യി​ട്ടി​ല്ല. അ​തേ​സ​മ​യം, ത​രൂ​രി​നാ​യി സി.​പി.​എ​മ്മി​ന്‍റെ വാ​തി​ൽ പാ​തി തു​റ​ന്നു​വെ​ച്ചി​ട്ടു​ണ്ട്.

ബി.​ജെ.​പി പ്ര​തി​ക​രി​ച്ചി​ട്ടി​ല്ലെ​ങ്കി​ലും കാ​ര്യ​ങ്ങ​ൾ സ​സൂ​ക്ഷ്മം നി​രീ​ക്ഷി​ക്കു​ന്നു​ണ്ട്​. ത​രൂ​രി​നെ ചാ​ടി​ക്കാ​ൻ സം​ഘ്​​പ​രി​വാ​ർ ശ്ര​മം ന​ട​ത്തു​ന്ന​താ​യി നേ​ര​ത്തേ റി​പ്പോ​ർ​ട്ടു​ക​ൾ വ​ന്നി​ട്ടു​ള്ള​താ​ണ്. ഫാ​ഷി​സ​ത്തി​നെ​തി​രെ ശ​ക്ത​മാ​യ നി​ല​പാ​ടു​ള്ള ത​ന്‍റെ പു​സ്ത​ക​ങ്ങ​ൾ വാ​യി​ക്കൂ​വെ​ന്നാ​ണ്​ അ​തി​ന്​ ത​രൂ​ർ ന​ൽ​കി​യ മ​റു​പ​ടി. എ​ന്നാ​ൽ, പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യോ​ടു​ള്ള മൃ​ദു​സ​മീ​പ​ന​ത്തി​ലൂ​ടെ പാ​ർ​ട്ടി മാ​റ്റ അ​ഭ്യൂ​ഹ​ത്തി​ന്​ ത​രൂ​ർ ഇ​ട​ക്കി​ടെ അ​വ​സ​രം ന​ൽ​കു​ന്നു​മു​ണ്ട്. ത​രൂ​രി​ന്‍റെ പോ​ക്ക്​ എ​ങ്ങോ​ട്ടെ​ന്ന​ത്​ പി​ടി​കി​ട്ടു​ന്നി​ല്ലെ​ന്നാ​ണ്​ കൂ​ടെ​യു​ള്ള​വ​രു​ടെ പ്ര​തി​ക​ര​ണം.

പ്ര​വ​ർ​ത്ത​ക​സ​മി​തി​യം​ഗ​വും ത​ല​സ്ഥാ​ന​ത്തെ എം.​പി​യു​മൊ​ക്കെ ആ​ണെ​ങ്കി​ലും ഹൈ​ക​മാ​ൻ​ഡി​ലും കേ​ര​ള​ത്തി​ലും ത​രൂ​ർ ആ​ഗ്ര​ഹി​ക്കു​ന്ന പ​രി​ഗ​ണ​ന കി​ട്ടാ​റി​ല്ല. ഇ​പ്പോ​ഴ​ത്തെ വി​വാ​ദ​ത്തി​നൊ​ടു​വി​ലാ​ണ്​ ത​രൂ​രി​ന്​ മൂ​ന്നു​വ​ർ​ഷ​ത്തി​നി​ടെ, രാ​ഹു​ൽ ഗാ​ന്ധി​യെ ക​ണ്ട്​ നേ​രി​ട്ടൊ​രു ച​ർ​ച്ച​ക്ക്​ അ​വ​സ​രം ല​ഭി​ച്ച​ത്. ​

ഹൈ​ക​മാ​ൻ​ഡി​ലും സം​സ്ഥാ​ന​ത്തും താ​​ക്കോ​ൽ സ്ഥാ​ന​മാ​ണ്​ രാ​ഹു​ലി​നോ​ട്​ ത​രൂ​ർ ആ​വ​ശ്യ​പ്പെ​ട്ട​ത്. ത​ൽ​ക്കാ​ലം സാ​ധ്യ​മ​​ല്ലെ​ന്ന രാ​ഹു​ലി​ന്‍റെ മ​റു​പ​ടി​ക്ക്​ പി​ന്നാ​ലെ​യാ​ണ്​ കോ​ൺ​ഗ്ര​സി​ന്​ വേ​ണ്ടെ​ങ്കി​ൽ ത​നി​ക്ക്​ മ​റ്റു​വ​ഴി​ക​ളു​ണ്ടെ​ന്ന്​ ത​രൂ​ർ വെ​ല്ലു​വി​ളി​ക്കു​ന്ന​ത്.

മ​റ്റു​വ​ഴി​ക​ളാ​യി ത​രൂ​ർ പ​റ​ഞ്ഞ​ത്​ എ​ഴു​ത്തും പ്ര​സം​ഗ​ങ്ങ​ളു​മാ​ണ്. അ​തി​നാ​യി പാ​ർ​ട്ടി വി​ടേ​ണ്ട കാ​ര്യ​മി​ല്ലെ​ന്നി​രി​ക്കെ, ത​രൂ​രി​ന്‍റേ​ത്​ സ​മ്മ​ർ​ദ ത​ന്ത്ര​മെ​ന്നാ​ണ്​ വി​ല​യി​രു​ത്ത​പ്പെ​ടു​ന്ന​ത്. വെ​റു​മൊ​രു എം.​പി​യാ​യി തു​ട​രു​ന്ന​തി​ലെ നി​രാ​ശ​യി​ൽ നേ​തൃ​ത്വ​ത്തി​ൽ​നി​ന്ന്​ മു​ന്തി​യ പ​രി​ഗ​ണ​ന പി​ടി​ച്ചു​വാ​ങ്ങാ​നാ​ണ്​ ത​രൂ​ർ ശ്ര​മി​ക്കു​ന്ന​ത്. പൊ​തു​സ്വീ​കാ​ര്യ​ത​യു​ണ്ടെ​ങ്കി​ലും പാ​ർ​ട്ടി പ്ര​വ​ർ​ത്ത​ക​രി​ൽ പി​ടി​യി​ല്ലാ​ത്ത ത​രൂ​രി​ന്​ സം​സ്ഥാ​ന​ത്ത്​ ചു​വ​ടു​റ​പ്പി​ക്കു​ക എ​ളു​പ്പ​മാ​കി​ല്ല. കോ​ൺ​ഗ്ര​സ്​ അ​ധ്യ​ക്ഷ സ്ഥാ​ന​ത്തേ​ക്ക്​ മ​ത്സ​രി​ച്ച്​ ഹൈ​ക​മാ​ൻ​ഡി​ന്‍റെ അ​തൃ​പ്തി​ക്ക്​ പാ​ത്ര​മാ​യ ത​രൂ​രി​ന്​ ഗാ​ന്ധി കു​ടും​ബ​ത്തി​ൽ പ്രീ​തി​യും ന​ഷ്ട​മാ​യി​ട്ടു​ണ്ട്. അ​ത്​ തി​രി​ച്ച​റി​ഞ്ഞാ​ണ്​ സം​സ്ഥാ​ന നേ​താ​ക്ക​ൾ ത​രൂ​രി​ൽ​നി​ന്ന്​ അ​ക​ലം പാ​ലി​ക്കു​ന്ന​ത്.